من روائع هذا الشاعر الجميل والمميز
ليت الوصل في كلّ الاحوال مسموح
وعوايده بين العرَب مُستحبّه
حتى يجي بابٍ للاعذار مفتوح
وأوضاعنا تصبح كذا مستتبّه
حشيمةٍ للي من الناس ممدوح
وحرْصٍ على غرْوٍ بَرا الحال حُبّه
ودِّي أجي دايم والى جيت ما اروح
وانْ رحت اروح شويّ وارجع وانبّه
أرجع وكلـِّي وجْد وآهات وجروح
وشوقٍ ينسِّيني الحذر والتنبّه
والله ما يمنعني من الوصْل طحطوح
وعيني تشوف عْلاج قلبي وطبّه
حلـْوٍ محلـِّيه التغنـّج ومملوح
ملحٍ كساه وحار فيه المشبّه
من كثـْر حُبّه صرْت اناني ومشفوح
حبّيت حتى امّه وابوه ومَرَبّه
وشلون لوّ انـِّي مُوكـّل ومبيوح
حلـّلت وقتٍ في لقاه استلبّه
يا شبْه صفراً دونها القفل واللوح
من مربط اللي كل شعبه يحبّه
والاّ شبيه مْجدّد الحزن والنوح
خشْفٍ جفـَل من بين وادي وخِبّه
عليه صدري قام يزفر من الفوح
مثل الدلال ونارها المستشبّه
أجيه كلـِّي ثقـْل لا اشكي وَلا ابوح
واروح من عنده سواة المسَبّه
وأحيان اخلـِّيها سواليف ومْزوح
لو كان ما تكفي هروج المحبّه
ما يكفي الا مْعانق الروح للروح
والا الرحيق الـْيَا حصَل من مصبّه
هادي بن سعيد ابن عوير
22-05-2009, 07:47 PM
العرض العادي
