.. واحـــات ،، للعذب مهدي سعيد ..

[موكب]

،،




صباحكم / مساءكم ورد جوري



للشعر واحة غناّء ..

وغِناء من فصيلة الناي ..

مهدي بن سعيد ..

شاعر غرس له في واحة الشعر ما نتفيأ ظلاله ..

ونقطف من ثمار ذائقته المتدلي على شفاه الوعي ما يشبع نهم القراءة





،، إليكم سبائك الذهب ،،




ܔܓ








متعب الخطوه
ــــــــــــــــــــــــــــــــــ

يامتعب الخطوه على الدرب لاهنـت=وشلون تحزن .. والشمـال بجهاتـك !!
جرب تمارس ضحكتك وين ماكنـت=وأحزان عمرك .. سترها فـي عباتـك
الريح قامت وإنحنت ،، وأنـت ماقمـت=ياحـي .. لا تنهـار قــاوم وفـاتـك
تبي ترد الريـح وتبعثـر الصمـت=إن مالقت بك روح .. شالـت رفاتـك
ياكبرها .. لا صاح داعيك وين أنـت ؟!=وجا ينتخيـك .. ولا لقـا إلا عصاتـك
أدري .. وصلت آخر مدى الصبر وتعبت=مابه نكد فـي رحلـة الهـم فاتـك
وأنا بعـد .. خاويـت الأيـام وندمـت=الله .. كـم تشبـه حياتـي حيـاتـك
هذا زمان الهم .. والفقر .. والكبت=ماهو زمن سم .. وتدلل .. وجاتـك
أما أنت .. في واقعك سلمـت وأمنـت=وإلا اعترضت .. وعشت في ذكرياتـك
يامتعب الخطـوه .. بوجهـك تمعنـت=لونك ظهر لي .. وأدهشتنـي صفاتـك
لـو المرايـا منصفـه ماتلـونـت=كنت أبيض ٍ .. من مولدك لي مماتـك
بعض المرايا .. تعكسك مثـل ما أنـت=وإلا بعضهـا ... مايـوريـك ذاتــك

غيمه
ــــــــــــــــــــــــــــــــــ

إضحك .. يصير الحزن عـاده قديمـه=ماتطري إلا مثـل مايطـري العيـد
إضحك .. تصير أقبح همومي وسيمـه=وأبخل يدين الوقت .. فزعات أجاويـد
لا تخفت الضحكـه .. تراهـا حشيمـه=في شالها غيمـه تلـوح لهالبيـد
محتاج لي فرحـه .. تعـادل هزيمـه=محتاج لي خطوه .. تمرد على القيـد
كم لي مقيـم .. وهالموانـي مقيمـه=والبحر ماينقـص .. ولا أظنـه يزيـد !!
حلمي وحلمك ... مثـل عقـد ويتيمـه=مايلتقـون .. إلا بشوفـه مـن بعيـد
مابيدهـا تختـار للعقـد قيـمـه=ولا بيـد العقـد يختـار لـه جيـد
إضحك وخل الحزن يندب هشيمـه=ماعمر يابس .. يرجع أخضر من جديد
لك ضحكة ٍ مثلك .. ذرابه وشيمـه=دايم تجينـي فـي زحـام التناهيـد
ياما سرينا الليـل كـاس ونديمـه=اجرهـا مـن يـد .. وتجرنـي بيـد
نجلـس بريـح .. ماتبشـر بغيـمـه=نقطف مواعيد ٍ .. ونغرف مواعيـد

رساله إلى حواء
ــــــــــــــــــــــــــــــــــ

هذي حياة آدم ثقه .. صبر .. تشكيك=ياعيـون حـوا حاولـي تفهمينـه
من بعثرة كينونتـه لمسـة يديـك=مشغول .. يبني مـن خرابـك مدينـه
من داست ظلوعه ورا التوت رجليك !!=حتى رجِعتي مثـل ما أنتـي رهينـه
ماهمـه إلا أنتـي .. يهـدك ويبنيـك=قصرٍ مهيب .. ونصبـك تحكمينـه
خاض المعارك .. وإستلب لك مماليـك=من شان في حضرة هلـك تمدحينـه
سج الفيافـي وإنتمـى للصعاليـك=قـافٍ تمنـى تلبسـه كـل زينـه
ياعيون حـوا .. دون هـذي وهذيـك=آدم بحـر .. وأنتـي مجـرد سفينـه
حلمك سرق موجه وهو يرتحل فيك=يضحك بوجه الريح .. وأنتـي حزينـه
أحيان يلبس حاضره ثـوب ماضيـك=ويعـاف وجـهٍ للغـلا تلبسيـنـه
يكبر .. ويرجع طفل من شان يغريك=تدلليـه بقبـلـة فــي جبيـنـه
آدم .. يبيع آدم .. علـى شـان يشريـك=هابيل .. حتـى اليـوم تبكـي يدينـه
ياعيون حوا .. كـل ماصـار يفديـك=بس اقبلـي هالوضـع لا ترفضينـه

سقوط
ــــــــــــــــــــــــــــــــــ

ديرها مغنى .. ترى صاحبك راعي هجـوس=شاعرٍ لا ضاقت الأرض في عينـه قِصـد
طٌول الليل التغلي .. وطـال بنـا الجلـوس=ياتـرى ثمـلـت فناجيلـنـا ولا بـعـد !!
سالفتنا عجٌزت .. وإنحنت ماهـي عـروس=إحملت عشريـن مـره .. ولا جابـت ولـد
ثوبها يستحضر اللون في كـل الطقـوس=جاهز للضحـك الأزرق .. وجاهـز للنكـد
كان عندك كذبـة ٍ ماتعريهـا الشمـوس ؟؟=خلنا نبني بها .. فـي مـدى الصحـرا بلـد !!
غيرنا يبني مداين على روس الطعـوس=وإن سألته .. قال الإنسان يخلق فـي كبـد
حلمنا مقتول .. والقاتـل إيمانـه غمـوس=أي حلـمٍ نرتجـي فزعتـه .. وأيـة وعـد ؟؟
كل عام .. من أوله نشعـل الظلمـا دروس=والغريب إن آخر العام ( لم ينجح .. أحد )
للتفاؤل وجهك المنتظر .. وجهـه عبـوس=مثل وجهك .. ماعلى نظرتك فـال السعـد
من زمان .. ( ونحلتك ) هايمه بيـن الغـروس=لجٌت الرمان .. من شان تجمع لـك شهـد
مشكلتها .. حظها يشبـه لحظـك نحـوس=كلما جٌت عين زهره .. لقـت فيهـا رمـد !!
شجرة الحظ .. إيبست عودها مليان سـوس=لا تـداوي يامـداوي .. ولا تشكـي لإحــد

مرجحه
ــــــــــــــــــــــــــــــــــ

حولين وأكثر .. وأنا واقـف بخـط الـزوال=والريح تاخذ من أغصاني ثمـر وأجنحـه
أشرب هجير القوايـل .. وأحلـف إنـه زلال=والشمس تشرب دمـي .. عـذبٍ ولا تمدحـه
شجٌرة طريق الثمر والعـود منهـا حـلال=بلاش .. وإللي بلاش الفوز بـه مربحـه
من مر حافي .. خذا منهـا عصـاه ونعـال=يقطع ويجـرح .. وهـي تـدراه لا تجرحـه
طول ثيابي .. ومرجحتـك عبـث وإرتحـال=في هالقسـا ماحلمـت بغيمـة ٍ مفرحـه
إن شفت خيل العواصف .. قلت هذا ( إحتلال )=وإن هونت .. قبل توصل قلت لا .. مذبحه !!
نسيت كيف أشرح الرمضا بعشب الخيـال=الواقـع إللـي تشربتـه .. محـال أشرحـه
نسيتنـي سٌكـر الإجابـه .. ومـُر السـؤال=صوتي " نِشز " مكرفونه .. وإنطفى مسرحـه
لـك نيـة لا جنوبيـه .. ولا هـي شـمـال=وتقول باب الظنـون السـود لا تفتحـه !!
ظلي كرامه .. ودليتٌـه مـن أجلـك حبـال=وكل من تمرجح .. يقول الشمـس لا تلفحـه
المرجحـه ... ماتكفيهـا حــدود الـظـلال=والظل محتار ... كيـف يلاحـق المرجحـه !!

سيرة العشق
ــــــــــــــــــــــــــــــــــ

ياساحل الملـح .. مٌـل البحـر هالسيـره=إلـى متـى والمراكـب تعشـق المينـا ؟
قديـم هالعشـق .. لــو لـنـا غـيـره=نبـي عـلـوم تضحكـنـا .. تبكيـنـا
ليت المراكـب تشـوف لعشقهـا ديـره=غيـر الموانـي ودمعتـنـا وأغانيـنـا
سمج الحديث الطويـل .. وطالـت الحيـره=الريـح مـاهـي بـيـدك .. ولا بياديـنـا
إلى أقبلت حيهـا .. وإلـى أدبـرت خيـره=حنـا علـى ساحـل القسـوه تربيـنـا
خل الزمـن صلـب لا ترحـم مقاديـره=أفراحـنـا ... مابـعـدهـا إلا تعـازيـنـا
يالساحل " العذب" .. صـار التبـر قصديـره=إنـس الطفولـه .. وأغانينـا .. وأساميـنـا
صدق إلتقينـا وكـان الحـب والغيـره=بــس إفترقـنـا .. ولكـنـا تلاقـيـنـا
شاب الزمن فـي يدينـا .. وإنحنـى طيـره=وأسطـوره البحـر تفنيـنـا وتحييـنـا
شاب البحـر .. كبـر ماشابـت أساطيـره=مليـون عـام إنتـوارث رعبهـا فينـا
والشمس مليون عـام ... تعيـد هالسيـره=تشرق على " تدُمر " وتغرب على " سينا "

بروق
ــــــــــــــــــــــــــــــــــ

شمال .. والليل إشتعـل رعـد وبـروق=وتقول وشبـك ماتزيـح الستايـر ؟
حتى المطر يا " هند " ماعاد لـه ذوق=طعمه تغير .. مدري أشلـون صايـر
مابينه وبين أتعـس أحوالـي فـروق=مثله مثل طعـم السهـر والزقايـر
كان الظما قلبي.. وبرق المطر شوق=يلوح وأصٌعـد لـه حمـام ومنايـر
وأعل وأشرب .. قـد مافينـي عـروق=والزايد .. أغسـل بـه ذنـوب الكبايـر
أول وعين الصـب حاجاتهـا فـوق=كان إبتهاله " تحت " مجنون .. ثايـر
زمان نخلي لا وعد صيـف بـعـذوق=تسكـن ريـاح إيلـول حتـى ينايـر
زمان .. ياهند المطر صـده " عقـوق "=فتنتة غديـر .. يمـوت فيهـا عشايـر
واليوم .. في هالجـدب مـا أدور حقـوق=أرسـم ضياعـي مستطيـل ودوايـر
في قصر ماله سور .. مدري بصندوق=والثانيـه تقـراه عـيـد وبشـايـر
وأسمي .. مقابلني على الرف مشنـوق=جذعه تصٌلب موت .. والغصـن طايـر
بعضي سجين يدي .. والبعض مسـروق=ظـلام سجـنٍ مـا يضويـه زايـر
إن كان ليل البرق يعني لـك شـروق ؟؟=طلٌي ... يصيـر البـرق خيـل وظفايـر

شموخ
ــــــــــــــــــــــــــــــــــ

لا الناي صوتك .. ولا شمس الضيا زولك=لولا شموخك .. تصير بناظـري عـادي
لا تنحني .. لا تهـل وتعشٌـب سهولـك=ويربع إللي سكـن بالضلـع والـوادي
خل الخُطا تنتحر فـي درب مجهولـك=أنا قويٍ حيل .. وأجمل طبعـي عنـادي
أنـا أتلـذذ بهـمٍ يثمـر أوصـولـك=بعض الهموم .. أشتريه براحـة أعيـادي
إن ما جوادي يغٍير .. ويهـزم خيولـك ؟؟=سلمته الريح .. ما أعٌده مـن إجيـادي !!
وإن ما رماحي تصيب .. وطولها طولـك ؟؟=أبترك الغزو .. وأطوي صفـة أمجـادي
وأعيش مثل البشر .. (عادي على قولك)=الناس ماهم عبيـدٍ لـي ولا أسيـادي
دامك قمر .. والنجوم تدور مـن حولـك=تأكـد إنـك بعينـي: ظاهـرٍ/ بــادي
دامك بعيد المـدى .. والنـور مرسولـك=أنا على ضو نـورك .. مقبـل وغـادي
وإن صرت (عادي) .. وكلٍ يقدر يطولـك ؟؟=هونت .. ما هو بـأنا إللي يطرد العادي !!

لا يرحم الله فوج !؟
ــــــــــــــــــــــــــــــــــ

في الذاكرة "ليلى"و"مالك"و"هـداج"=وأبيات مجنـونٍ .. جنونـه صراحـه
جا يشتكي همه لسكـان الأبـراج=وإلتموا أهل الفلسفـه والفصاحـه
قالوا عرب .. والقول مايرجع إدراج=يمشي دروبه عـوج .. وإلا سماحـه
لا يرحم الله فوج من ذيـك الأفـواج=ولا يرحم الله طيـر يرخـي جناحـه
راحوا وصاروا سالفة كـل هـراج=والمقبليـن أشـٌد حمـق ووقاحـه
ياسيدي .. كيد العـدا وإرفـع التـاج=أنا لهـم خصـمٍ جنـوده رماحـه
ياسيدي .. دون النظر رمش وحجـاج=تحميه من عج الطريـق ورياحـه
دون الكرامه من دمي سيف وسياج=والفارس إللي مايخونـه سلاحـه
بصبر .. ومثلي لأجمل الصبر محتاج=ماتقبل الدنيـا علـى كـف راحـه
قررت أغامر وأخجل الشمس بسراج=وأخلع عن اللون الرمادي وشاحـه
ياسيدي .. والصـدق للقلـب منهـاج=لو ما يحبك مـا أفتـداك بجراحـه !!
ما أبيك تلحقني على سيف الأمواج=ماينقـذ الغرقـان .... جاهـل سباحـه !!

ماتشبهك .. أو تشبهك
ــــــــــــــــــــــــــــــــــ

رسمت لك ياعذبـة الصـوت صـوره=ماتشبهك .. أو تشبهك صورة إنسـان
إنسـان غايـب .. وإحتوانـي حضـوره=مٌيزت لونـه رغـم تعتيـم الألـوان
في داخلـي موجـود .. صافحـت نـوره=وعجزت ألاقي له على الأرض عنوان
نذرت عمـري رحلـة فـي عصـوره=أدوره بيـن الأمـاكـن والأزمــان
من غيبته في الوقـت .. حتـى ظهـوره=أبنشـده فـي كـل روحٍ ووجـدان
باهيم .. وأظما فـي صحـاري دهـوره=حتى يقابلنـي ... وأنـا حيـل عطشـان
إنسـان .. فـي دمـي غـلاه وجـذوره=من جـدي وجـده .. ويعـرب وقحطـان
له فـي زمـان الشـك روحٍ غيـوره=يزعل على شانٍ .. ويرضى على شـان
ماهـو كمـا خبـلٍ تبلـد شـعـوره=عنده خطـا الأيـام ... والصـح سيـان
ياعذبـة الصـوت الزمـان وقشـوره=خلتني أتحسـف علـى كـل ماكـان !!
عمري كتاب .. الوقت يمحـى سطـوره=والمشكله مالي على الوقـت سلطـان
ينـزف قصيـدي .. وأغرقتنـي بحـوره=والشعر ما مجٌدني فـي كـل الأحيـان
والساحـل المهجـور .. ماتـت طيـوره=لا عانقـت زهـره .. ولا غنـت ألـحـان
عيا الربيـع الطلـق .. يطلـق زهـوره !!=وعيا الخريف ... يحٌل مأسـاة الأغصـان !!

بحر الجنون
ــــــــــــــــــــــــــــــــــ

ياغايبه .. لو غبتـي الدهـر كلـه=بيني وبينـك يـوم .. لا بـد ياتـي
كني أشوف أرموشك المستظله=تضحك تهنيني بلحـن أغنياتـي
ياصامته .. والصمت هـذا مذلـه=الصمت موتي .. والقصيده حياتـي
جيتي .. وأنا أضيّع طريقي وأدلـه=ورحتي .. وأنا متورطٍ في شتاتـي
عطشان .. والصبار محدود ظلـه=وش لي بظـلٍ مايبلـل لهاتـي !!
خاويت هالعالم على كـل ملـه=ولا لقيـت إللـي ثباتـه ثباتـي
أول قـدوم وجيههـم مسفهلـه=وإلى أدبرت صارت بلون العباتي
ياغايبه .. لو لي مع الوقـت ذلـه=عاتبت وجهي .. لين ترضى جهاتي
كني صدوق .. وعالم الصدق قلٌـه=ياغربتي ضاع الطريق وعصاتي
كني ملـول وذكرياتـي مملـه=وشلون أهاجر من زمن ذكرياتي ؟؟
عمري شقاوي والفنا غايةٍ لـه=في يوم ميلادي .. سمعت بوفاتـي !!
بحر الجنون إللي يخيفك مطلـه=أنا على شاطيه ( كاتب وصاتـي )
أما غرقت .. ويضحك البحر كلـه !!=وإلا نجيت ... وفاخري في نجاتـي !!

رفيق الجرح
ــــــــــــــــــــــــــــــــــ

تكفـى رفيـق الجـرح ناولنـي إدواه=أنـا إنقتلـت .. وخنجـري فـي يمينـي
يمٌمـت شوفـي شطـر وجـه محيّـاه=يوحي لي إنه خلق مـن شـان عينـي
جيت أبزعل نـاره .. أبـي جنـة إرضـاه=ماكنت أشـوف الفـرق بينـه وبينـي !!
أثر النخيل إللي علـى الـدرب تزهـاه=تاقـف شمـوخ .. وكنـهـا تحتريـنـي !!
هـذا أنـا ... يا ربـة الحسـن والـجـاه=بعـت الشكـوك ... وراس مالـي يقينـي
مجنون شعر .. أنسـج خيـوط المعانـاه=من حنطة إيدينك .. ومـن عشـب طينـي
العمـر كلـه بيـن حرفـي ومعـنـاه=سجنـت فـي بيـت القصيـده سنينـي
هـذا أنـا طفـلٍ تهـاوت بـه خطـاه=مرعـوب ... فِلـي شـالـك ودثريـنـي
فنجال حظي ... كل مـا جيـت أبـقـراه=شفت المصايـب تنكتـب فـي جبينـي
الحـظ يرسـم خـط عمـري ويمحـاه=وأنـا أتـعـذب ... والقـيـود بيديـنـي
هـذا أنـا ... والقلـب هـذي عطـايـاه=إن مـا وصلـت لغايتـك ... سامحيـنـي
أضحك من أقصى الجرح .. وأبكي من أدناه=متناقضـات الخلـق مـنـي وفيـنـي
تكفـى رفيـق الجـرح تقتلـنـي ألاه=خابـت ظنونـي .. والقهـر محتويـنـي
ياليت ساقـي ظـل هالـدرب ماجـاه=قبـل النخيـل الباسـقـه تزدريـنـي
( ياليتنـي ظلـيـت حلـمن إتمـنـاه )=( ولا حقيقـه بعـدهـا مــا تبيـنـي )

خطوه بين الممكن والمستحيل
ــــــــــــــــــــــــــــــــــ

إجذب الشوف حتى وجهك المستبـاح=وإن قدرت .. إجذب القلب الشقي وإطعنه
شفت عندك رماحٍ غير كل الرمـاح=تطرح الصدر لو كان القمـر مزبنـه
الصخب .. والمرايا .. والوجيـه المـلاح=إرسمت في عيوني لوحـةٍ مخزنـه
من تهجيت صوتك .. خامد العطر فـاح=عطرٍ أعشق دياره وأفتـدي موطنـه
سرت كل الرجا والخوف والإنشـراح=تاه فيك الزمان .. وضاعـت الإمكنـه
إطلق إيديك لإنسام الهوى والريـاح=خل جرح السنين يفـز مـن مدفنـه
في لياليـك هـذي تستبـد الجـراح=ليلة (النيل) لو قلبك حجـر .. تطحنـه
من سراها .. وقف بين الزعل والسماح=تصهر الجرح .. حتى ينجلـي معدنـه
كل سرٍ إلى سولف لـه النيـل بـاح=والعصيه ... تصيـر مسالمـه مذعنـه
جيت مثلي من الظلما .. تدور صبـاح=تحسب إن الهموم تشيلهـا الدندنـه !!
شفني أشد وأنزل .. وين مالبـرق لاح=ساعتـي ماتراعـي دورة الإزمنـه
من تردّت حظوظه .. لو ضحك ما إستراح=تمدحه في الصباح ... وفي المسا تلعنه
طال هالدرب ... ما كل الخطـا للفـلاح=خطـوةٍ تستحيـل .... وخطـوةٍ ممكنـه

السراج الإعمى
ــــــــــــــــــــــــــــــــــ

لا يا صبـاح الأمـل .. لا تلبـس الظلـمـا=خذ بارق الليل نور .. إن خانتك شمسـك
أنا قهرت الدجـى بسراجـي الأعمـى=من شان أغني مواويل الهوى بعرسك
صوتك صداه إنكسر من رقتـه وأدمـا=مايوقظ الطفل من حلو الكرى همسـك
صح المدينه بدبـك خيولـك الدهمـا=وإكتب على سورها للذاكـره درسـك
الذاكـره ناكـره ... ماتحفـظ الأسـمـا=إن ماجرحت الحدث ... يومك يصير أمسك
قدامـك النـار .. والنيشـان .. والمرمـى=إحرق شمال الأفق ... وإحرص على نفسك
إشتقت للشمس .. شوق القاحلـه للمـا=مليت سـود الليـال .. وملهـا غرسـك
جيتك بيدي زهـور ... أقسمـت ماتظمـا=إلا إذا ودعت وجـه الأفـق ... شمسـك

وصلت من التعب حدي
ــــــــــــــــــــــــــــــــــ

لا تندهش من جنوني من عبـث يـدي=الطفـل فينـي معيـي يافهـد يكبـر
معكم .. وكني على شط البحـر وحـدي=أبني بيوتٍ كبر عمري .. وهـي تصغـر
وأبني شراع ٍ قليـل الحيـل ما يمـدي=مثلي شراع الـورق ينـوي ولا يبحـر
يافهـد .. ودي تعـود المرحـلـه ودي=ما يكفـي إنـي إلـى خاويتـك أتذكـر !!
عشت بزمان ماهو بأخضـر ولا وردي=أحزانـه أحـزان .. وأفراحـه ولا تذكـر
مـاودي أعلمـك .. لإن الشقـا يعـدي=خلك على حلمك إللي موعـدك يثمـر
أنا تعبت ... ووصلت مـن التعـب حـدي=هذي جراحي على سيف الورق تقطٌـر
عبث .. بغيت أختلق من جمرتـي بـردي=وأنا أدري إن الغيوم الحمـر ماتمطـر
في موطن الحلم .. ضعت وخان بي وعدي=هزايمي تنقٌـص أيامـي .. وهـي تكثـر
إستوطنوا يافهـد .. نـاسٍ لفـوا بعـدي=وأنا إلى الحين .. من مهجر إلى مهجـر
ماني موصيك كيف تكون .. ماعنـدي=التجربة كلهـا ... فـي الحبـر والدفتـر

ذل المطر
ــــــــــــــــــــــــــــــــــ

قالت تِمن .. وقلت ضحكه من القلـب=قالت حزين ؟ وقلت ماعرف شعوري !!
قالت يصير الشاعر المرهـف العـذب=يجهل شعوره ؟ قلت ماهـو ضـروري
فهم المشاعر غلب .. والبوح بـه غلـب=تكفيـن .. خلـي لـي بقايـا غـروري
فينـي جـراح ٍ مزمنـه مالهـا طـب=عايشتهـا تمثـيـل .. وأتقـنـت دوري
عودت من حولي على الخاطر الرحـب=جبر الخواطر ... صـار معنـى حضـوري
هذا إعتزى بإسمه وهذا " على جنـب "=أرسـم علـى كراسهـا ورد جـوري
أغمض إلين احلامهم تدخـل العشـب=واخرج من أبواب السكوت الجهـوري
عودتهم .. وإعتدت سهلٍ غلب صعـب=صار الحلم ضحكه .. تجبّر كسـوري !!
من يوم حزني .. والفـرح غايـة الحـب=إللـي توسلتـه لمنـفـى ســروري
دوني على حدود الفرح رمـل ... ما حـب=إلا هبـوب قوتهـا مــن عـثـوري
أمطرت باللي في زمن دين .. من عرب=ذل المطر .. والرمل .. وأشكر جذوري
قالت إلى هالحد ؟! قلت الوفـا : كلـب=ضحكة ودارت .. قلـت : ماقلـت دوري
كل إربعا ... موعد علـى ساحـل الذنـب=إن طـاب وقتـك ... شاركينـي فجـوري

عناد النزف
ــــــــــــــــــــــــــــــــــ

إن كان لك نيـه تودعنـي بـجـرح ؟؟=تكفـى بجـرح ٍ مايشافيـه غـيـرك
ما أبغى الجروح إللي تساوم على الصلح=أبغى " عناد النـزف " بعـدك يثيـرك
قوُم رياحك ... حـرض الرمـل والملـح=تملى العروق المبطيـه مـن غديـرك
مانـي مبـدل فيَّـة النخـل بالطلـح=إن مـال ظلـك .. مالـي إلا هجـيـرك
قلبي بـلادك .. لا غـزو بعـد .. لا فتـح=ماخلق بعـد إللـي يسهـل عسيـرك
جمعت منك أضـداد ماتقبـل الطـرح=ما أشكـي قسـاك .. إلا لناعـم حريـرك
وفاك .. فيما كـان مـدحٍ علـى مـدح=لو كل شرك ... مايجـي بعـض خيـرك
لي عام .. لي عامين .. لا حـزن .. لا فـرح=مدري وش إللي بين غصني وطيـرك ؟؟
كان الوداع - إجرح - ولا تطلب الصفح=والله عطاك ... إيليـن يصحـى ضميـرك

ܔܓ





دمتم بٌود







.

["..عـَـذْبـًة الأطْـبـَآآآآع.."]

مـــــــــــــــــــــــــــــوكــــــب ,,,

لله درك,,}ْ~

ذآئقــه شعريـه لايختلف عليهــآ اثنــيـن ,,,

>> اشبع‘ـتنــآ شع‘ــــر

وآحــآت جميلــهـ ونقل اجمــل ,,

الله يعطيك الع‘ــآفيه ولايهيــنــك ,,,



/

إح‘ـــترآمي ,,

[@سلطان العجمي@]

صحـــــــــــ السانــــــــــ الشاعرررررررر : مهديـــــــــــــــ سعيدددددد
لاهنـــــــــــــــت يا موكـــــــــــــــب على القصــــــــــيدة الاكــــــــــــــــــثرررررررررر منــــــــــــــ رائعــــــــــــــــــ
وتقبلـــــــــــــــــــــــــــــــــــــ مروريـــــــــــــــــــــــــــــــــــــــــــ ــــــــ

[حـــوران]

الله على ذالواحات

التركيز على شاعر كبير مثل مهدي بن سعيد , شي جميل منك
استمتعت بجزالته جدا ً


الأسـتاذ / موكب
ارويتني وأشبعتني شعر
موضوع متميّز , ولفته حلوه


تشكر كثير , وسلم لي على روحك

[جطلي بن فهد]

الله الله

واحات جميله

وناقل شهادتي فيه مجروحه
الغالي موكب لاهنت والله يعطيك العافيه ..

[موادعك خيره..!]

موكب

.

.


لايأتي إلا بما هو فوق الرائع


شكرا جزيلا لك ياموكب لإنتقائك هذه الواحات المدهشه من شاعر مدهش وناقل عذب

[سلمان بن ضيدان]

لا هنت على النقل والله ماشاء الله قصايد جيده وجميله جدا"

ولا هنت على النقل اللي يبهج الصدر

وتقبل مرووووووووري ..

[ريم الصيد]

السلام عليكم ورحمة الله وبركاته



.


أحترت والله وش أقول : )

متصفح أقل ما يقال عنه باذخ بـ جمال الحرف والمعنى

ذائقة أنيقة يا موكب .. كنت ومازلت متابعة لها

شكراً لـ سخاءك

.

بحفظه

[موكب]

الغاليه "..عـَـذْبـًة الأطْـبـَآآآآع.."



شكرآ لمرورك العذب



وشكرآ لجمال عزفك بين ثنايا هذه الصفحه



لكي من الزهر .. أجمله

[موكب]

الغالي @سلطان العجمي@


اشكرك جزيل الشكر على مرورك الجميل وتعقيبك الاجمل


دمت بخير