/ يا ليتـ ما رجّعت رقم ٍ غدا لي / مصافحه جديده

[صالح المري]

السلام عليكم ورحمة الله وبركاته

اسعد الله ايامكم بالفرح والسرور

هذي قصيده من قصايدي ولها موقفها الخاص

وهي تعبر عن نفسها

2/10/2009


يـا الله ياربـي عليـك اتكالـي
ومن كان يؤمن بك عليك اتكالـه

ابدا بذكـر الله عزيـز الجلالـي
وما خاب حياً بالحيـاه اشتكالـه

كريم يا برق ٍ سـرى باشتعالـي
جعله على الاحساء تهمر خيالـه

يا ليت ما رجعت رقم ٍ غـدا لـي
واعتضت في رقمي برقم ٍ بدالـه

او ليت سيرفس خدمتي واتصالي
محجوب عني خدمتـه واتصالـه

او ليت جا للبرج كـل العطالـي
ثم عطّل السستم وعطّل ارسالـه

ما كان راسلني حسيـن الدلالـي
وما كان جتني من الوسائط رساله

جدد علي حزن ٍ قديم ٍ وانـا لـي
تسعة شهور ٍ من عنا الحب دالـه

ووجدي على شوفه وعزي لحالي
من حبنا اللي راح واقفت رحآآآله

ولا واهني اللي من الهـم خالـي
دايم وقلبه من عنا الوقت دآآلـه

وصلو على المبعوث عد الخيالـي
شفيعنا اللي صادق ٍ فـي مقالـه

وسلاآآآآمتكم