اكتب همومي بالقلم فوق قرطاس...

[{ ظبي الرمال}]

الكون موحش والمسا فاقد احساس
والهم ينسج من خيالي قصيدة




اكتب همومي بالقلم فوق قرطاس
وارسم معانات الجروح الجديدة




القلب وش خلاه مخنوق الانفاس
بين الضلوع العوج ينزف وريده




[size="5"]الا الفراق وغرية الناس للناس
وبعض السوالف والعلوم المكيده




ياقلب لا تحزن ولا يغلبك ياس
ارتاح واستبشر بلحظه سعيدة




اقولها ياقلب لا باس لا باس
لا تقهرك سود الليالي العنيده




اللي ذكر طيبي على العين والراس
واللي تجاهلني تجاهلت سيده




ماهمني من باعني دون مقياس
عزيت نفسي والاماني بعيده




انا كذا طبعي مع كل الاجناس
القلب عزيته وشديت قيده




حزله من الاظلاع حطيت حراس
تحميه من غدر الليالي الشديده



اللي يذوق الغدر صافي من الكاس
لابد يتعلم وعلمه يفيده



ضويت لي في سود الايام نبراس
يهدي حياتي للدروب الرشيده



محشوم فكري عن تفاكير الادناس
نفسي عن الهفوات دايم زهيده




واللي يحاول يسرق اللول والماس
ماطالته عينه ولا طالت ايده



يبطي ويشهر للبشر ذل الافلاس
لا بدد امواله بيفلس رصيده




ماكل صيد يجيبه الحر قرناس
يموت بالرمضا ولا هو يجيبه



واللي يحاول يكسر الراس بالفاس
مثل الذي بيده يكسر حديده




كتبتها انا جمله بين الاقواس
لا تقرب النيران جسمك تبيده




اعوذبالرحمن من كل خناس
من الوساو والحياة البليده




ياوجد حالي كل ماهب نسناس
سافرت بافكاري لدنيا جديده



اتذكر اللي غاب من خيرة الناس
اللي وصوفه في خيالي فريده




محشوم وافي طيب العرق والساس
بين البشر مافيه شخص نديده




نسله من الاحرار والعرق دساس
رحل عن الدنيا بساعه نكيده




الله يكسي جسمه الغض بلباس
من سندس الفردوس حلة جديدة




بصبر على فرقاه والقلب حساس
حياتنا ما جت على ما نريده



هذي النهايه تنكتب فوق قرطاس
ارسلتها عبر الاثير القصيدة



مما راق لي,,,

[مغتـــــرب]

ياســـلام ياســــلام



صح لسااانش ولســـااان قايلهااااا



لاهنتي ع النقل الطيب


تقبلي مروري

[{ ظبي الرمال}]

صح بدنك مغترب ولاهنت على مرورك الطيب ...