يـــــــادرب ..

[معيض بن شملان]

كل عام وانتم بخير ..



عقب البطى للتواصل مع قلوبكم الطاهره ..










سلام يادرب ٍ لي سنين هاجره
ماهي قطاعه غير والله معزه




ايست ماللي كل ماجيتك اذكره
وش عاد ابي في جيتك كل حزه




ماغير بحرق خافقي واتحسره
وعز الله انه حز صاحبه حزه




ويادرب انا ماجيتك الا لخاطره
ماجيك حب ٍ فيك ولا اتنزه




اجيك واسايرك لاعلي انظره
لو كان مالي غير لمحه وقزه




يادرب وان مابه كلافه تخبره
إن كان شفت ان المشاعر تهزه




وان كان ماتذكره ولا مْتناكره
بتشوف به هيبه وركزه ورزه




قله ترى صاحبك بعدك معزره
نومه قلق وان قام يصحى بفزه




لاعاد يبطي بالوصل ويتكاثره
وانا ماعاد بخافقي مايجزه




قد كل ضلع ٍ في حناياي خابره
مافيه ضلع ٍ بالحنايا ماكزه




واليا تثنى فوقك فلا تكدره
وادرى على رجليه لاشي يخزه




عاده علي غالي وغالي واقدره
لو كان طاع اللي علينا يوزه




طبع العرب ماتعرف البغض والكره
واكبر دليل ان اليهودي بغزه




لو كان ماضي الوقت يشفع لحاضره
ماكان شفت وجيهنا مشمئزه







( ايست ) : يأست