قصة الدوسري وناقته

[الغـزال العـارضيـه]

السلام عليكم ورحمة الله وبركاته
هذه قصه قديمه جرت على شخص اسمه عبدالله بن مفرح الدوسري الملقب (بالشمالي)اصيب يوم بمرض الجدري ولزم الفراش حوالي شهرين وكانت ناقته اسمها( الهديه) قد حست بغياب صاحبها ودائماً تجي يم بيت الشعر وترفع رواق البيت براسها وتطالعه وتحن وبعد مده توفي صاحبها فصارت الناقه كل ماوردت تجي إلى البيت وتنهض الرواق براسها ولاتجده ثم تسري...فذهبت إبنته ساره تعقلها حتى لاتسري في الليل ومضى نصف شهر وهي " تهجرع"بالحنين وكان عندهم جار إسمه حصيبان وفي ليله من الليالي توقظ وهي "تهجرع" بالحنين عند مشب النار وهاضت قريحته بأبيات طويله من الشعرمنها يقول:

مل قلب هيضه حس الهديه
هجرعت بالصوت من عقب الشمالي
ياذلول القرم حماي الرديه
اصبري عقبه على سقــم الليالي
ذكرت بالحب من عينه شقيه
ذاكــر في نجـد خــلان وغـــالي
عقب فقده ماتوالف للرعيه
تطــرده ساره على روس المفالي
عزتي للقرم حطوله بنيه
عـزتي للقرم مـن قبر هيـــالي
عادته بالكون يثني للرديه
ينسم الحفيات ريــف للهــزالي
.................................................. .. ..........
وتقبلو تحياتي...الغـــزال العــارضيــه ...}~

[فلاح بن ملبز]

^

ياسلام يا سلام

الله يرحمهم ويرحم جميع المسلمين

ويعطيش العافيه على ما نقلتي لنا

ولش جزيل الشكر

[الغـزال العـارضيـه]

ياهلااا ومرحبااا

نورت صفحتي ...

[النــ فهيــد ــاجعي]

الله يرحم الجميع سبحان الله حتى الحيوان يحس.

[الغـزال العـارضيـه]

لاهنت ع المرووور

[محمد ابن عكشان]

لاهنتي يالغزال


على النقل

[شِقاوَي]

الله يرحمه

لاهنتي يـ الغزاال ع القصـّـه }ْ~

::

[بنت الزعبي ..]

وعليكم السلام ورحمة الله وبركاته

الله يرحمه

يعطيك العافيه يالغلا

والله لا يحرمنا من جديدك

تقبلي حضورى المتواضع

[الغـزال العـارضيـه]

لاهنتوو ع المرور الطيب

[الصديعه]

اي والله انش صادقه البل تفقد راعيها
والله ان ابل اهلي يوم توفى ابي الشايب(جدي طبعا) انها فقدته

يسلموووووووووووووووش ع القصه والقصيده