السلام عليكم
بدون مقدمات قصيده لابن جدلان ماركة إبداع
يازين الجميحي لا سرا والعباد أخفوت = يبي لازمٍ متغانمة قبل لا يفوته
لامنه أنعس السالي وسجّوا هل البيلوت = وقام يتمخلص تحت رجلك تقل حوته
يقوّس مع الهويات كنّك تشوته شوت = يشادي المظلي لانزل في براشوته
حماره تحت نور القمر كنّه الياقوت = يداوي القلوب اللي من الحزن منحوته
لادقّت هواجيس المعنا وجَر الصوت = يعد النجوم المرقبة فوق كبوته
وخوة صديقٍ مخلصٍ معك حتى الموت = ماهوب إيتسمّع هرجةٍ فيك مشموته
يداري على سمعتك من هرجة السربوت = وخطاياك عنده داخل البحر مزتوته
يعرف الذي يخطر بقلبك لكان أسكوت = ولامنه غناَ ينجلي الهم من صوته
ودمتم