شيءٍ بغيته لكن الحظ مخطيه !!

[مناحي الصميل]

قديمه متجددّه


اعتبرها تواصل معكم .

كلٍ على فاله تجيه الأماني = وانا الوحيد اللي تحرّى امانيه
يا ليتني لا قلت أحبّه .. لفاني = او قال احبك موت ؟ .. والله لأجيه
لا قال أحبّك .. أدخل بجوّ ثاني = وتصيبني خلّه .. اذا مرّ طاريه
مدري الوم النفس والا زماني ؟؟ = والا ألوم اللي على البعد حاديه !
يا ليته قريّب وأشوفه وزاني = وأمشي معه في كل حزّه وأخاويه
أحسب حساب الليل كنّه ثواني ! = يا حيّ ليلٍ مع حبيبي أقضّيه
لكن حظّي وجهته للطماني = لو كان يشرى الحظّ ؟؟ ... والله لأشريه
أبذكره حتى ولو هو نساني = وانا ادري ان مابه ظروفٍ تنسّيه
لكن همّي وإنتظاري طواني = ويبقى الحزن داخل عروقي مخبّيه
إي والله ان اللي حصل لي كفاني = وشيءٍ تعدّى الحدّ مابيه مابيه
قولوا له ان خلّك حظوظه .. تعاني = شيءٍ بغيته لكن الحظ مخطيه

وسلامتكم .

[مـحـمـد بـن فـهـد]

رائعه يامناحي صح لسانك ملايين ولايكفون

دائما تتحفنا بشي أروعـ، وأروعـ،

[جطلي بن فهد]

السلام عليكم ورحمة الله وبركاته

مناحي

صح لسانك قصيده رائعه جداً

والله يقويك ويوفقك ولاهنت على الرائعه

[سعد بن سريّع]

مناحي الصميل صح لسانك واعتلا شانك
قصيده رائعه باحســـاسها وجميله بعذوبتها
تقبـــل مروري وخـــالص ودي ..


دمت في حفظك الله ورعايته ..


الغناوي

[شمس الأصيل]

ابداع مشاء الله

صح لسانك

يعطيك العافيه

[ليبرالي]

بالتوفيق يا مناحي

[سلطااان العتيبى]

مناحي الصميل


صح لسانك ولاهنت



تقبل مروري

[البليهي]

مناحي


صح لسانك واعتلى شانك


جزله وانت جزل


تقبل مروري

[شرس]

مناحي الصميل


صح لسانك قصيده رائعه


ولك الشكر

[الجوود]

قولوا له ان خلّك حظوظـه .. تعانـي=شـيءٍ بغيتـه لكـن الحـظ مخطيـه

صح لسانك اخوي مناحي قصيدة جميله اهنيك عليها