لا ستـوا ليـل المخــاليــق...؟

[(هاوي قصيد)]

مسا الخير

متواضعه راجي ان تصل لذائقتكم ,,,

لا ستوا ليل المخاليق واندق الوريد = جات بي بدع الفرايد ليا قارشتها

والفرايد كان ماتنقص الخافق تزيد = من قبل ما كلبشتني وانا كلبشتها

وانتهز بي جوهر الفكر والحزن الاكيد = من دوافع صدري اللي تمثنا بشتها

وكل مادوح الحمامه على غصن الجريد = ماجرى فالقلب ماهوب حسب المشتها

وكان يا فكري تغنيت فاللحن الجديد = كل ذكرىً مرت النفس جيت وعشتها

وان تعديت القريب وعديت البعيد = وان لحقت اقصا مداها وإلنك نشتها

مثل حر الصيف ولا مثل برد الجليد = ماتخربش حاجتٍ كون لا خربشتها

والمواجع ادمت القلب والقلب العنيد = مابغا فـ بلاد فارس وشوفت دشتها

والليالي تلحق المرء في مالا يريد = صك يالي تحسبنك كسبت وكشتها

كل منا فالزمن ذا يفيد ويستفيد = ما تلئلئ في نجوم الفلك لا حشتها

قد معنا الفكر فالراس والمغزى بعيد = ليتها ما قارشتني ولا قارشتها

وسلامتكم ...