مركب حزن من جديد شاعر الوطن فالح بن قشعم ..

[بنت الوطن]

هذي القصيده من أخر ماكتب الشاعر الكبير فالح بن قشعم وانشاءالله تنال اعجابكم







عليك الصوت وازهل كل بيتٍ يلجم النقّاد = وجرّ الصوت وابيوت القصيده لاتخليها

تراني يارفيقك من ضحى ماني على المعتاد = ماغير اعابل الوجعه واضمدها واداويها

اقول اني ابخير ولا رجعنا للكلام الجاد = ماني في خير والخيره ماندري ويش تاليها

يالولا انيّ مااقاوم هرجة الشمّات والحسّاد = تعشتني مخاليب الذياب وطحت فيديها

لكنيّ ذيب واحسب للرجال احساب قبل انقاد = لكلمه ماتثمّن وايهوي فالنار راعيها

على الله والله الله ذب صوتك واطرب المحشاد = ترى بعض الطروق الحونها تشعف املاحيها

وانا مشعوف خلقه والشعاف الليّ بصدري زاد = يدوب انّه يولّع فالضلوع ولا يطفيها

يموت الحلم واتموت الاماني والحصون اتباد = ولابادت مداين حاضر الضيقه وماضيها

اراجع ماتبقى من زمانٍ فات ماينعاد = واصادم لوعة الايام قاصيها ودانيها

واحاسب واتسيجج واحسبني نلت كل امراد = وانا مانلت غير الوجعه اللّي خيرها فيها

سقيم أي والله ان قلبي سقيم وحيلتي فأجهاد = ونفسي من زعلها ماتراعي من يحاكيها

ورى صدري مراكض خيل واستنفزاع واستنجاد = وضرب اسيوف وأقوامٍ تشوّشها عزاويها

تبيع الروح من دون العروض وخيرة الاذواد = تموت ولا تخدش العايبه هامة مباديها

وفي قلبي مراكب حزن تدفع شرعها الانواد = بحرها الذكريات وواقع الصحوه موانيها

وفي راسي طلاقة عزم وأعيون الرجال أحداد = وأنافه من سطرها ماتخضع الاّ لواليها

وشموخ وعزةٍ تاريخها منسوب من الأجداد = طبيعه والاصول الطيبّه تجذب مجانيها

ماهو صحيح بأن النار ماترّث سوى الرماد = شبوب السمر يرّث جمر والعهده لراويها

ياكثر الليّ بقوله .. بس ياصبري لعزمك ناد = انا ماعاد لي خاطر على النفس وخوافيها

يحركني شعوري كل ماهب الهوى وازداد = على لحظة لقاء لازالت اعيوني تراعيها

ليا من جيت له ماعاد للهجري ولا الميلاد = تواريخٍ ولا شهورٍ نسميها بأساميها

اسج بعالمه واقول .. ياحسن البهاء وش عاد ؟ = مابه زينٍ يحالي قبلةٍ ربي محليها

ليا منّه دعاه الشوق .. حرّك نشوة الميعاد = واجيه اسابق الساعه وتسبقني ثوانيها

على شوفه براكين الغلا وأشعورها وقّاد = سناها يجذب الليّ ليلته ماعاد يسريها

عديت وذاب قلبي في هواه وجيت له ورّاد = وزهدت بفارعات الطول والشهره وداعيها

فطمني من ذوات الحسن نفحات الشذى والكاد = ولا عاد التفت في رق شاميها وعاميها

عليه انقاد قود البدو للبراق والرعاد = ولا اطاوع ولا اسمع فيه مرخصها ومغليها

عسى من لامني به يبتليه الله بصرصر عاد = الى بئس المصير ومن عواليها لواطيها

عليه اعروق قلبيّ مرجهنّه والغلا عدّاد = مايفنى لين تفنى شيمتي عن بكرة أبيها

[فلاح بن جمل]

لاهنتــــــــــي يا كويتيــــــه وأهنيـــــــــش علـــــى أختيــــــــــــآآآآرش ..

وصح الله للسانش وللســــــان الشاعـــــــــر : أبن قشعـــــــم ..

ولـــــش جزيـــــــــــل الشكــــــــــر ..

[DUNHILL]

صح لسان بن قشعم
ولاهنتي ياكويتيه

[علي أل فطيح]

الله لايهينش على النقل
وصح لسان فالح بن قشعم

[فلاح بن ملبز]

كويتيه ولي الفخر

صح لسانش ولسان شاعرها / ابن قشعم

ويعطيش العافيه على هالنقل الرائع

ولش جزيل الشكر

[هــــــــــادي]

عليه انقاد قود البدو للبراق والرعاد = ولا اطاوع ولا اسمع فيه مرخصها ومغليها

عليه اعروق قلبيّ مرجهنّه والغلا عدّاد = مايفنى لين تفنى شيمتي عن بكرة أبيها

شاعر كبير وشهادتي فيه مجروحه


صح الله لسانك على قصيدته العذبه




كويتيه تسلم يدك







أحـــــترامي

[بنت الوطن]

المشاركة الأصلية كتبت بواسطة كنترول العجمان

لاهنتــــــــــي يا كويتيــــــه وأهنيـــــــــش علـــــى أختيــــــــــــآآآآرش ..

وصح الله للسانش وللســــــان الشاعـــــــــر : أبن قشعـــــــم ..

ولـــــش جزيـــــــــــل الشكــــــــــر ..

كنترول صح بدنك ولاهنت عالمرور الرائع والله يعطيك الف عاافيه ونورتنااا

[بنت الوطن]

المشاركة الأصلية كتبت بواسطة DUNHILL

صح لسان بن قشعم
ولاهنتي ياكويتيه

ولا انت ويسلمووووووووو عالمرور العطر وياهلا وغلا فيك

[بنت الوطن]

المشاركة الأصلية كتبت بواسطة علي ال فطيح

الله لايهينش على النقل
وصح لسان فالح بن قشعم

مشكووور ياخوي عالحضور الطيب والرد الجميل ولاهنت

[ند فرسان]

يعطيش العافيه

قصيده ذوق يا ذوق