أحــــلـــامـــ...الــكـــــرى....

[محمد المجول]

بين نيران الشهيق وتنهاد الزفير=قمت أحسّب وش بقالي من أحلام الكرى
مقتنع بالواقع اللي يسمونه مرير=دام فكري باع حظي..ووقتي ماشرى.
بتسلى بالأدب وأذكر الدنيا بخير=دامني والحظ مثل الثريا والثرى.
دندنت بالراس ثم دقت أبواق النفير=وكل عينن ماترى..شوفها الليله ترى.
هو صحيح..أو هو خطا..أو يصير ومايصير=بين يمكن..أو يجوز..أو تُرى..(ياهل تُرى).
إي صحيح وكنها كلمة القاضي جرير=شوفني بلسان (سحبان وائل)لا سرى.
ميّلي صوبي وأنا عبد لله وفقير=منحنى راسه ولا لد عينه لي ورى.
غيض والمغتاض غاص المغاص وغث سير=أولمْ يُسمع نداءُ الفقيهِ فالقرى.
أمْ تُرى آذانُ قومي صمم تأْبى تُعيير=سمْعُها لصوتِ سيْلٍ تحدر وإفترى.
قلت واعزآه يوم البصير أمسى ظرير=قاده الغي وتكبّر..ووقع مادرى.
لحظة الطيش أقبلت من سموم الزمهرير=ولانفعني سد مأْرب وهو دوني ذرى.
وإستعذت إمن الرجيم أطلب الربح اليسير=ولا كسبت إلا لواهيب شمسن فالعرى.
خير..وأصناف البشر من أمير إليا غفير=بس يفرق طيب الأخلاق لامنه طرى!!