حمامة البعد ..

[قبلة العذارى]

سلام عليكم .. واسعد الله اوقاتكم بكل خير



للتواصل مع قلوبكم .. اتمنى ان تنال على رضي ذائقتكم


\
/
\

بعض المواقف .. تعل القلب وتروعه=وبعض المواقف .. تفل احجاج راعيها
والآدمي يرضى لو النفس مجزوعه=الحظ مره يصيب .. ومر يخطيها
هذي فعول الزمان .. وهذي طبوعه=دنياً تقلب .. ماندري وش خوافيها
واللي في بالي .. ونفسي خشيّة وقوعه=صاير .. عسى ربي ذالليله يعديها
فرقا .. موادع .. ضياع .. وروح منزوعه=وعيون تذرف .. غزير الدمع ماليها
ياوجد حالي .. وغبني .. ونفس موجوعه=بأسباب فرقاً .. تولتنا اياديها
وجود شيخٍ مشرع باب لربوعه=كريم .. ولا اعطت يمينه مايحاتيها
من راس قومٍ .. وله كلمات مسموعه=يِقدّر إلحى العرب .. حضر وبواديها
غاروا على ابله وجاهه ..قوم مقلوعه=إتزبن المحتمي .. وتكعم امعاديها
طاحت عزومه .. ونفسه حيل مفجوعه=ماالله كتب له ذريه .. يحتمي فيها
عليك ياللي ملكت فوادي .. وفروعه=ياللي عيوني بعدك النوم جافيها
ماهو بودّي المفارق .. وادري بروعه=لكنها ظروف .. وانت ادرى بخافيها
سهيل ماهو بدايم في السما طلوعه=وحمامة البعد ناحت .. قمت الاحيها
قبل الموادع .. ابيك تهدي الروعه=واسمع كلامي من لحوني .. وقوافيها
روحٍ تحبك .. محبه ماهي مخدوعه=على غلانا حبيبي .. لاتوصيها
وهالحين اودّعك .. جفني سالت دموعه=وصيتي : روحي عندك لاتجافيها !!

:
:
:


وســـلاامتكم ..


تبقون بحفظ الله ورعايته