.. رِحـلـَه أسبـُوعيــَّه شـعـريــَّه ’ ،

[D0LAR]

وش عاد اسوي يومك اقفيت عني_،،،_ لا انا اتبع المقفي ولا احب فرقاك

[محمد آل غانم]

ربي يصبرني على الفرقا مدام الحظ مال=وانت بيجيلك يوم تعرف ليه في بعدك شكيت ..

["..عـَـذْبـًة الأطْـبـَآآآآع.."]

اعطيك ما في طاقتي في حضوري
عشان تعرف قيمتي فـي غيابـي

احيان اغيب بشغل ماهو ضروري
كله عشان ان جيت تحسب حسابي

[محمد آل غانم]

لا جيت أقرب لخــلاني و أواصلها=لقيت حتــى طريق القــرب يبعدني

يا اللي جروحك عرفت شلون أعاملها=أنا تعوّدت ,, لا داعي تعودني

[امل محمد]

ياصاحبي حبـك يجرعنـي السهـر=والهـم ترسـي بالصـدر بواخـره
اموت واحيابـك واحبـك والقهـر=صدك سبب بسمة وجيه ن ساخـره
إدموع عيني مـن غيابـك ينهمـر= وعروق قلبي من غلاتـك ناخـره

["..عـَـذْبـًة الأطْـبـَآآآآع.."]

سامحيني ولــو ؟ .. مالي امل بالرجوع = اعترف في خطاي اللي جنيته معاك

لــو عيـون ( الجريح ) تعرف ! وقت الدموع = كان عيني بهل دموعهـــا من وراك !!

ليت دمعي ليامن طــاح بيدك .. شفوع = يمكن ايدك تحس بحرقته .. من جفاك

اه ياكــبـــر جـــرحــــك ,, يارزين الطبوع = واه يا مابعد ارضي .. عن سحايب سماك

اه من شمسك وحزن الفجر بالطلوع =واه ما حر صيفك .. واه ما اقسى شتاك

ليت موتي .. يخيرني المنايا بنوع = لجل .. اعيشك غلا ( وآمــــوت ) عايش غلاك

ماكرهت المفارق .. كثر كره الخضوع = وماحسبت العبور .. الا ؟؟ واعرف الهلاك

كنت ؟ اشتت ظروف وكنت اعدي جموع = وبعثرتني ظروفي في مجرة مداك

ليــن طعت الزمـان اللي رفض لا يطوع = عـــقـــب ! ماكنت ! اطــُـوع !! .. صار مالي حراك

يوم شفت (( النهايه )) في صميمي تروع = رحت .. احـــــاول ابي ارجع على (( مبتداك ))

رحت اشوفك هناك .. وفي دروبي فروع ؟ = ضعت بين الفروع ! ومالقيتك هناك ؟؟

ادمحي زلتي .. ما دام باقي شموع = يمكن تكون .. هي آخر بقايا هـواك

يوم راحت معك ( لــحــظــات ) عمري تبوع = جيت ادور على ( لحظـه ) مضت لي معاك

ماتذكرت !! غــيـــر اللحظه اللي تلوع = يـوم قلتي الوداع .. وسمح الله خطاك

اه ما اقسى الفراق اللي بليا رجوع = ليت ربي خذاني قبل مني خذاك

كل ما اضحك واسج القى بخدي دمــوع = وانتي ! مايوم شفتي .. دمعتي من وراك !!

كل ما اذكر ضحى الفرقا بيوم الربوع = زادت النار في قلب ٍٍ شقي مانساك

[محمد آل غانم]

الله يبيحك كانك اجرمت واقفيت=والله يبيحك لو جروحك عمايق
انا اشهد اني مبطياً ماتشويـت=وانا اشهد انك ماحفظت العلايق

[صديق الملك]

شفتها يا سعود صدفه بعد ما غابت سنين = عند قسم المختبـر وسط مشفى الجامعـه

جيتها ثم قلت ممكن في سؤالي تسمحين = ناظـرت فينـي بدهشه نظره متواضعـه

قالت انته تـحسبني من بنات صايعين = تـحسبني في زماني عن طريقي ضايعـه

قلت انا ماراح اطـول كلبوها كلمتين = وابعـدت عني شويه ثم جتنـي راجعـه

قالت اسال واضح انك من رجال طيبين = بس هرجك يالسنـافي كان وشهو دافعـه

قلت انا حبيت وحده يـوم كنا صغيرين = ومن ثمان سنيـن راحت للمواصل قاطعـه

عقبهـا ماذقـت نـوم يهتنيـه النايمين = ساهر في طول ليلي لين شـمسي طالعـه

اذكر انه فيه حبه فـوق ثغـره من يمين = واذكر انه لاجـرينا كـن شعـره تابعـه

واذكر انـه عاشـق الورد والياسمين = وصار قلبي بالـورود اللي عشقهـا زارعـه

طابعا اسمه بقلبي فيه (سين) وفيه (عين) = وفيه (الف) وفيه (دال) وسط قلبي طابعه

قاطعتنـي بقولها سبحـان رب العالمين = كـررتـها مـره .. ومرتين .. ورابعه

قلت وشفيك وشبـلاك يابنيه ترجفين = ليش عينك يابنيـه من كلامـي دامعـه

قالت الموقف وقلبـي والمحبـه والحنين = كيف اشوفك بعد ماكنـت عنك قانعـه

قلت انا بسألك ان كانك انتـي تذكرين = عن مواثيـق ثـمنها من حياتـي دافعـه

قالت ظروف الزمان ماتطيـع العاشقين = بيعونـي غصب حبك لو هو ماني بايعـه

انا في دنياي حالي كنهـا حال السجين = حتـى لو فكـوا سراحه فيه شي ٍ مانعـه

زوجوني غصب واحد وحرموني حاجتين = السعاده فـي زمانـي والحيـاه الرائعـه

والحين انا ام لثلاثه ريـم وياسمين = والولد اسمه على اسمك والمشاعـر جايعـه ...!!

[امل محمد]

الدم ميت والشرايين تابوت= والقلب مجبور على ضخ دمي
وانت غلاك بداخل القلب منحوت = قربك دواي وبعد طخمتك همي
وان خيروني بين فرقاك والموت= كني مخير بين خالي وعمي

[امل محمد]

الله يصبرني على الفرقا ولو الدمع ساح=يوم انتثر حبري شعر كذا على عفويته
وان جيت ترثي حالتي وتشوف دمي مستباح=شفني قتيل فالهوا محدن طلب في ديته