..(لـيت مـال القلب قبل الزمن يكشف غطاك )..

لــهــذام · #1 08-08-2009, 05:22 AM

[i]

صباح /مــساء الخير للجميع ..

مــصافحه أولى وأتمنى أن تنول على رضاكم ...[/

i]

ألتفت للـصـوت يــاحن قلب اللي دعاك = كل همه لا دعالك تجي لبيت له

ألتفت له وأستمع دام من بعده عناك = وأنت لاسقت القدم ما بعد مريت له

مـا حداه البعد ياكود تقديرة غلاك = وأنت نبضه بالحشا والغلا لك بيت له

مـن غلاك وحشمتك كل مايملك عطاك = ماذخر في مدته .. وأنت وش مديت له

رحت به لسهوم بقعا ومرتاع الهلاك = وأصطفى من كاس مرن شراب أسقيت له

ذاق مرك والحلا ساح في مبسم شفاك= وطال صبره من عنا الوقت وأنت أركيت له

لــيت مال القلب قبل الزمن يكشف غطاك = كان شمت النفس من درب ما قد جيت له

سـامح الله نفسك اللي تكاثرها خطاك = بـيض الله علمك الزين وش خـــلــيت له

دام ذا درب الـهـوا ... يــقلع الله من مداك = لا تــقرب يــكفي القلب مـا ســويت له

:

:

وســـوالم

سالم بن فراس · #2 08-08-2009, 05:27 AM

حــجــز فاخر

وليى عوده .

فلاح بن ملبز · #3 08-08-2009, 06:22 AM

حجززز 2

‏âļ฿āИĎгĕ · #4 08-08-2009, 07:06 AM

من غلاك وحشمتك كـل مايملـك عطـاك
ماذخر في مدته .. وأنت وش مديـت لـه

قصيده جزله ومعبره

لاهنت اخوي

دمت ودام عزك

ودي

:

عبدالله معيوف · #5 08-08-2009, 07:36 AM

لهذام

صباح الشعر النقي

سامح الله نفسـك اللـي تكاثرهـا خطـاك
................................. بيض الله علمـك الزيـن وش خليـــــت لـه

دام ذا درب الهوا ... يقلع الله مـن مـداك
.................................. لا تقرب يكـــفـي القلـب مـا سويـت لـه

نص رائع بكل ما يحمله في جعبته .. فهنا نثرت سنابل الشعر

فالبعد او ابتعاد من تحبه صورة مؤلمه تجبر من يعانيها ان ينفجر

فليرسم لنا مدى معاناته

لهذام

صح لسانك وبوحك

ودمت بود