الجرح العليل New

[سلمان بن ضيدان]

السلام عليكم ورحمة الله وبركاته

أضع بين أيديكم هذه المتواضع وأتمنى بأن تحوز على إرضائكم ،،

.

.

سامح الله كل طعنه منك بالجسم العليل = والخطا أني وفيت بشخص .. ما يعرف وفا
لا تدوّر لي عذر لوّ العذر منّك جزيل = والله أني عقب جرحك زاد ضوّي ما طفا
الرياح الحارقه ما ترحم اللي بالمقيل = والليال الحالمه ترقد بحضنٍ ما عفا
كم سهرت ولا خسرت امن السهر .. شيٍ قليل = من تعب جسمي وجفنٍ طول ليله ما غفا
كم كتبت أبيات جزله ما تسطّر بالهزيل = ولو روا شاعرك شهره فإعرف أنه .. ما إكتفا
وأنت بعد الشوق والأحلام والحب الجليل = يا صغيراً قض مجدوله لما أنه ما ضفا
تذكر أيّامٍ دفنت القلب في .. جمر المليل = والله أنّه ما شكا سلمان .. جورك بالجفا
لين ما قلت الوعد يابن العرب بالمستحيل = أحسب أنك طيّبٍ بي وأنت تطعن بالقفا
والنهايه كان تبغي تنبش الجرح العليل = الخطا منّي لأني مستمرٍ بالوفا
طيعني يا صاحبي دوّر على غيري بديل = لا تجيني ثم تعوّد شايلٍ كلمة .. أفا

وسلامتكم وسامحونا على القصور ،،

أخيكم : سلمان آل فلاح ،،