حياتي / من بقى فيها ..؟

[@ فــهــد @]

.
.
.

دوّر على هم صدري في دجى صدري ..=يا زاهي العين .. عيني وش بقى فيها ..
لا شوف .. لا دمع .. واللي باقيٍ .. مدري ..؟=يمكن تكامل حروف بـ..عين قاريها ..
الجرح جرحي .. وعذر السالفه عذري=والدمع دمعي .. وعيني من يواسيها ..؟
خلّ الهجيني .. يفضفض حزني .. وقهري ..=وخلّ القصيده تموت .. بـ..فم راويها ..
أبنهي اللي بقى .. من شعري ونثري ..!=وأبعتزل عن حياتي .. عن بلاويها ..
ولا شاقني الحلم .. وإستوطن فضا فكري ..=ببكي .. على أطلال ذكرى .. راح راعيها ..
نامت نجومٍ .. تسامت في غنى فجري ..=كنّ الأغاني تعايف .. من يغنّيها ..
ولا القمر .. لا سرا ثم قلت له : بدري ..؟=كنّ العباير .. سبايا عند سابيها ..
أدمت عيوني .. عشانك وأنت ما تدري..!=وألغيتني من حياتك .. يا محلّيها ..!
يا كثر ما قلت : أحبّك يا بعد عمري ..؟=ولا فادني الحبّ .. والذكرى .. وطاريها ..
كانت حياتي .. مليّه .. من بشر تطري ..=لكن بعد رحت .. قلّي : من بقى فيها ..؟

سوالم ..


.
.
.