[ العذر السمين / لاتوادعني وانا مالي فبعدك يدين ]

[محمد بن دسمه]

السلام عليكم ورحمة الله وبركاته ..



*


اخواني واخواتي زوار واعضاء الشبكه ..

اضع بينكم هذه القصيده بعد غياب ..

لعلها تلامس الذائقه ولو بالشىء القليل

صلو على النبي

.

.

.

أعتذر منك وانا مامعي عذر ٍ سمين .=يامعلقني مابين المواصل والوداع .!
لاتكابر وانت واضح على وجهك حزين ..؟=والحزن أول محطه على درب الضياع .!
من مغاتير السنين ومجاهيم السنين ..؟=شوف عقبك .. مابقى فالعمر لحظة متاع .!
عيني اللي كابرت لاتسيّل دمعتين ..؟=مادرت إن الحزن بيّن بوجه الشجاع .!
صاحبي لاتنكسر .. ضيق وفـ قلبك حنين ..=وانت ودك بالوصل .. بس محتاج إقتناع .!
فـ الرضا خذ لك ولد . وإن زعل [ يندى الجبين ] ..=المهم انه عرف .. ويش معنى الاجتماع .!
المكابر والامل مايجي فـ / الحالتين ..؟=ماتحل المشكله .. وأنت رافض الاستماع .!
وجع كبدي .. وجع من طاح بإيد الشامتين ..؟=حاول يصبر فؤاده .. ولكن ما استطاع .!
كثر مانا منكسر .. صار ماعندي يقين ..؟=صرت أحاتي هم مكبوت .. والعيش بصراع .!
لاتوادعني وانا .. مالي فـ بعدك يدين ..؟=كيف ألوح للموادع .. وأنا مـ / أملك ذراع .!
الفراق بدون توديع .. طبع العاشقين ..؟=لنهم يعرفون .. وشهي تفاصيل الوداع .!

.

.

.




وبس