.....@@(( مع غازي قلم ))@@.....

[غازي الرسمان]

بالصدفه لقيت الصوره هذي قبل سنه

[غازي الرسمان]

يشرفني سماعكم المقطع

__________________

[غازي الرسمان]

اسمعو القصيده تحكي عن ما شاهدته بصوره

__________________

[غازي الرسمان]

قمت اتحاشـى ذكرهـا عـن فـؤادي
..............وان شفت شي يذكر القلب صديت



متـى يصـيـر فراقـهـا شــي عــادي
............... وان شفتهـا قلـت اتركينـي ومليـت

[غازي الرسمان]

دمعة شقا ترسم على شفات الاطفال
................... اقسى معنات الزمان وشقاها

دمعة الم والحزن يمشي ويختال
.................. فوق الخدود اللي اعلنت منتهاها

صورة طفل يبكي ويشكي لنا الحال
................... الام ماتت والطفل مانساها

الام ماتت والطفل راح ينهال
...................... نادت عيونه منهو يمسح عناها

صورة حزينه جرها ... مالت ومال
....................... ماهو بقادر شيلها .. بس بكاها

محتار ودموعه عطت لونها اشكال
....................... نادت قوافي الشعر تسري معاها

الجوع كم دمر وكم شرد اجيال
..................... الفقر واسباب المجاعه وراها

الجوع كافر والبلا لوبعد طال
..................... وكم إسرةٍ نامت بليا عشاها

يامسلمين الوضع لابد ينقال
...................... إزرع بذور الخير واحصد نماها

لاتغرك الدنيا ولايغرك المال
.................... يمناك واليسرى حكت وش عطاها

العمر رايح والنهايه بالاعمال
........................ والقبر بيتك خيرك اللي بناها

صورة طفل يبكي ويشكي لنا الحال
.................... اقسى معنات الزمان وشقاها


غازي الرسمان

[غازي الرسمان]

ان صاحت انفاسي ترى القلب مرتاح/// مايستريح وداخل القلب نوره

[غازي الرسمان]

لعيونها قمت اعشق الوان الطبيعه والزهور
وقمت انتظر لحظة غروب الشمس واعشق لونها

الليل مع ضوء القمر يضفي على قلبي سرور
ضوء القمر من خدها والليل غيم متونها

الله يعين العاشق اللي شايلٍ قلبٍ غيور
لاشاف بعض الناس في كثر الحلا يطرونها

ياليتها تخفي جمال الوجه ماتمشي سفور
واصير انا بس الوحيد اللي عرف مضمونها

مضمونها. كل الحلا. واللطف واحساس وشعور
الله يسلمها ويحفظها لنا ويصونها

يانور… نور… النور… يطلبك القمر بالليل نور
منهو يلوم القلب لو خلا البشر لعيونها

بالمختصر حبي لها ما عاد تحويه السطور
يعني على المعنى الصحيح قولوا علي مجنونها

[غازي الرسمان]

شمعة حياتي ياعرب بين قوسين
.............. انوار نوره ثم انوار نوره


ربي يخليهم بناتي نوره وانوار

[غازي الرسمان]

ياعيونٍ ناظرتني واستحت /// ياحلو لون الخجل بخدودها

نظرةٍ بالعين صابت وجرحت /// لوكثف الرمش غطى سودها

[غازي الرسمان]

من اجمل القصائد اللي قريتها

يقول الشاعر الكبير عبدالله بن نايف بن عون العتيبي


لاباس ياقلب ٍ همومه تلامسه = بيدينها في كل ليل ٍ تخامسه
مايتركنه يوم واحد من الشهر = ولهن عليه إليا إنتحى الليل رامسه
وروح ٍ بنيران المحبة تحرقت = عليها الغرام مصولباتٍ محامسه
وعين ٍ ليا جا القلب يدله تذكره =عنودٍ تجدد مادرس من روامسه
ليا عرضت خطوا هنوف ٍ مخفره = حورية التوصيف بالزين طامسه
تجر ذعذاع الهوى في شليلها =كما وردة ٍ في مدرج السيل غامسه
في فيضة ٍ ريح البختري عطورها= ممطورة ٍ مثل أمس واليوم شامسه
ماطب فيها ألا بعض شرد المها = والطير توحي في طرفها هوامسه
فلا عاد أجيد السالفة مع منادمي = كن النهار بعيني الليل دامسه
ياوصل ٍ شاعر هوازن تعلمه = عن حالي اللي واهج الحب حامسه
ناده بصوت ٍ شاهر ٍ لين ينتبه = وقله رفيقك مخلب الهم لامسه
وأنا خابره كل الصعايب يرومها = على النوز ماتخط الضرايب نيامسه
تكفا يابو نواف روحي تعلقت = في واحد ٍ عنها الرجا الياس طامسه
وأخر ماأقوله لك ترى قلبي إحترق = كما لمبة ٍ فيها السلوك متلامسه
من واحد ماهوب ياوي ليا كوى = كوى القلب بأربع وألحق الكبد خامسه


مردود شاعر هوازن الشاعر الكبير عبدالرحمن العطاوي


لاباس ياشاكي من الهجر والنيا = يشكي هوى خلٍ بعادٍ مرامسه
لجيت من شكوى خليلي من الهوى =وأمسيت فكري غارق ٍ في قوامسه
وشلون أجاري راعي الفن بالمثل = وخيول عزمي سابقتها عرامسه
لبيت صياحه وعجلت فزعتي = وفرسان جهدي من عناه متعامسه
ونخيت عواني على الشعر واسكتوا= صم المسامع والنواظر طرامسه
وقعدت كني را هب ٍ وسط صومعه = إلا ما إنتحى ليلي وقفت خرامسه
وأمسيت كني راعي الذود فالخلا = وأصبح بدال إبله قطيع الجوامسه
في مهمه ٍ قفر ٍ خلي ٍ بلاقعه = حافي وخالية ٍ من الما ترامسه
يابن عون مبلي الهوى كل ماإنكوى=وأصبح بكا من جور يومه على آمسه
تعبر بقيس وماجراله من العنا = تمخلا بقفر ٍ عاري ٍ من دهامسه
فالصبح يقفي كنه الوحش فالخلا =وفالليل عجل ٍ يم ليلى هرامسه
كل ٍ يبي يقطف من الورد ماحلا = لكن دون الورد يوذيك نامسه
وأنا أقول ياراع الهوى وادع الهوى = ليا صار دونه كاثرات ٍ كعامسه
ليا صار مالك حيلة ٍ في مواصله =وجرح المحبه في ضميرك مغامسه
إرم العزا وإترك يابن عون مابقا = والتيل لا يجرح مشاعرك هامسه