( بدون أدراك ) .. لـ محمد المسعري !

[فهيد بن سالم]

السلام عليكم ورحمة الله وبركاته ,

مجرد تواصل

صلوا ع النبي ..

تعدّ هناك ولا يابعد عمري تعدّ هناك=شف احلى زاويه بين الحنايا واسترح فيها
على يمناك قلب ٍ ممتلي شوق .. وعلى يسراك=سوالفنا .. وكم كلمة عتب .. ماودي احكيها !
وتلقى كلمة احبك .. بلا وعي وبدون ادراك=عسى ربي يخليك .. وعسى ربي يخليها
من البارح .. وانا قلبي مجنني .. وصدري ضاكّ=وحتى الابتسامه .. في غيابك صرت مابيها
تفضل واختصر كل الوجيه .. بطلّة محياك=ونور لي دروبي .. من بدايتها .. لتاليها
احس ان مايحب بهالزمان الا انا .. وياك=معاك انسى وجيه الناس .. عاد شلون اساميها ؟
بلاش من الزعل ومن الجفا ومن الشعور الشاك=مادام ان المشاعر .. واضحه ف عيون راعيها
تقول انك معي واقول يا جعل الغياب فداك=اجل غيبتك عني هالليالي .. وش تسميها ؟
صحيح اتعبتني بس الورود اللي بدون اشواك=اشوف انها بدون اشواكها .. ما الله بحاليها

وسلامتكم


فمان الله ..