هنـــا : تكــمن الجزاله ,,,, ( اهـــداء )

[الـــــمري]

هذي قصيده للشاعر الكبير ( مناحي ابو شعرتين الشهراني )

من شعراء مدينه بيشه جنوب المملكه العربيه السعوديه

شاعر اعتبره بنظري من اقوى الشعراء في الوقت الحالي

ولكنه للاسف مقل بظهروه الاعلامي


اخترت لكم احدى روائعه واتمنى ان تحوز على القليل من استحسانكم



يقول فيها :

يـاالله ياخالـق جميـع الخلايـق=ياخالـق تعلـم بحـال الخليـقـه
يامفرج الظيقات عن كـل ظايـق=تفرج لقلـب فيـه ظيقـه وظيقـه
منها جروح الحب عمق العمايـق=وأثر الهوى تبطي جروحه عميقـه
ياالي وراء الباب المطرف توايـق=لك ويقة واقت علـى كـل ويقـه
كأنك على ماوسـط قلبـي تهايـق=مدري عرفت السـر وإلا تهيقـه
سـلام تسليـم سلـيـم ورايــق=تسليمة مـن سمعهـا ذاب ريقـه
قرب شوي شوي واخذ الحقايـق=هات الحقيقه وأنت هـاك الحقيقـه
حقايـق نكتـب عليهـا وثـايـق=آخذ وثيقـه وأنـت تأخـذ وثيقـه
هـذي بدايـة حبنـا أول دقـايـق=أشوف كـل اليـوم كأنـه دقيقـه
و القلـب فايـق ليـه ماهـو بفايـق=والقلب تـر ماكـل شـيء يفيقـه
خيرت قلبي في جميـع الطرايـق=وأختار ماله غيـر حبـك طريقـه
بعض العرب معا بعضهم علايـق=ومالي ومالـك بالعلايـق عليقـه
راعي الهوى تسرق عيونه سرايق=يالي سرقت القلـب رد السريقـه
وإن كان طال الصبر ماني بطايـق=أخاف مر الصبر ما عاد اطيقـه
وبينـي وبينـك لاتشـب الحرايـق=وغيري وغيرك جعلهم في حريقـه
هذا خبر والناس عشـق وعشايـق=والله يعطي كـل عاشـق عشيقـه
هرج العرب ,, غيرك يجيب الشقايق=والا أنت هرجك هو علاج الشقيقه
أهديت لك بيت من الشعـر لايـق=ياإلي تليق الشعـر ياإلـي تليقـه
وفتحت قلبي لك قصور وحدايـق=وفي كل قطرة دم قصر وحديقـه
الله يلـم الشمـل لـم الحـلايـق=حليقـه مصبوبـة فـي حليـقـه

وسلامتكم ,,




.....



وللمعلوميه :

هو نفسه قائل الابيات المعروفه

بعدك عن اللي مايعزك معزه=وصدك عن اللي يعتني بك ردى منك
اللي يعزك لازم انك تعــــــزه=وتعلن مع طول الليالي تضــــــــــامنك
وللهرج حزات وللصمت حـزه=ومن لايعرفك معرفــــــــــة مايثمـــنك
وان كان عينك كل درب تقزه=اعرف ترى غيرك عيونه تعاينـــــــــــك

وسلامتكم ,, اتمنى انها نالت على رضاكم




اخووكم



المري

[الـــــمري]

لا زلت

انتظــــــــــر اطلالة اهل الذوق الرفيع

[الـــــمري]

المشاهدات 10


والردود زييييرو



..



ومع ذلك لا زلت انتظر

[أتـع ـبني عناكـ]

أهـديــت لـــك بـيــت مــــن الـشـعــر لايــــق
يـــاإلــــي تــلــيـــق الــشــعـــر يــــاإلــــي تــلــيــقــه
وفـتـحــت قـلـبــي لــــك قــصــور وحــدايـــق
وفـــــي كـــــل قــطـــرة دم قــصـــر وحـديــقــه
الله يــــــلـــــــم الــــشــــمـــــل لــــــــــــــم الــــحـــــلايـــــق
حـــلـــيـــقــــه مـــصـــبــــوبــــة فــــــــــــــي حـــلـــيــــقــــه


صح لسان شاعرها وناقلها
طرح رائع
سلمت اناملك على ماقدمت
تقبل مروري
دمت كماآ تحب

[خالد بن نفل]

صح لسان شاعرها
ولاهنت على اختيار ذا الفرايد
وتحياتي لك وتقبل مروري

[أوراد]

يعطيك العافيه وتسلم ع الاختيار


لاهنت

[al___zain]

كل الشكر والامتنان على روعهـ بوحـكـ
..

وروعهـ مانــثرت .. وجماليهـ طرحكـ
..



سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

لكـ خالص احترامي
al___zain

[تـخـف الـعـقـول]

صح لسـآنه ولآهنت عالنقل يـ المري

يعطيك العافيه..

[الكحيلا]

وبـــيـــنـــي وبـــيـــنـــك لاتــــشـــــب الـــحـــرايـــق
وغــيــري وغــيــرك جـعـلـهـم فـــــي حـريــقــه

’
’


عزآه



صح السآآآنك والسآن الشآعر

ولآهنت ع الآختيآر تسلم ... ويعطيك ألف عآفيه



’
’

[سلطان ال شريد]

وبـــيـــنـــي وبـــيـــنـــك لاتــــشـــــب الـــحـــرايـــق
وغــيــري وغــيــرك جـعـلـهـم فـــــي حـريــقــه


الله وكبر ..


المري .. اختيآر من العيآر الثقيل وجزل ...


لاهنت وصح لسسآإن شآعرهآ