سَآحر الشعرْ : الشآعر نآيف العبيدْ العتيبيْ .. حفنآتُ منْ شعآويذهْ

[انتبه امامك عجميه:)]

الشاعر : نايف بن أحمد الحميدي العبيد العتيبي


تاريخ الميلاد ومكانه :
حائل 1395 هـ وهو حاصل على شهادة / البكالوريوس باللغة العربية
ومكان الحصول عليها / كلية اعداد المعلمين بحائل وتاريخ الحصول عليها / 1419 هـ
أقام عدة أمسيات سواء داخل أو خارج الوطن :

أمسية في منتزه الساحل بالعاصمة الرياض والذي أقامها منتدى ديوان العرب في صيف 2006 م
أيضاً أمسية صيف حائل 1427 هـ بمنتزه مشار
وكذلك أمسية بمهرجان الصحراء 2008 م في محافظة بقعاء
أيضاً أمسية بمناسبة اليوم الوطني عام 1429هـ بجمعية الثقافه والفنون بحائل
و أمسية بالأردن بحضور وزير الثقافة الأردني / صبري ربيحات عام 1430 هـ
كذلك أمسية في النادي الأدبي بحائل عام 1430 هـ
وشارك الشاعر أيضاً بمهرجان حلوة بقعاء عام 1430 هـ
وللشاعر عدة أعمال منشورة

ومن هذه الأعمال :
1-ديوان صوتي بعنوان ( ديوان العرب ) اصدره منتدى ديوان العرب بالتعاون مع مؤسسة الأوتار الذهبية عام 2005 مـ
2- فديوكليب ( نو الحيا ) قصيدة انشادية انتاج قناة نايلات الفضائية عام 1431 هـ
3- ديوان الكتروني يضم اغلب قصائد الشاعر على العنوان التالي www. Naif9122.com
4- فديو كليب ( البر أحبه ) قصيدة إنشادية للشاعر قام بإنشادها المنشد / مزعل البقعاوي
5- تعاون مع المنشد محمد العبدالله بنصين بعنوان ( دعد ) و ( شهر الصيام )
6- أيضاً تعاون مع المنشد عبدالعزيز المرشدي ( صوت الشمال ) بنص ( يارب يارحمن )
7- ديوان كتابي مطبوع بعنوان ( النايف ) يحتوي على أكثر من 100 نص مابين قصائد وخواطر طباعة مطابع المعرفة

* حصل على عدة جوائز ودروع تذكارية

وهوا منتسب بعدة منتديات ثقافية واتحاد كتاب كذلك
عضو بالجمعية العربية للثقافة والفنون بحائل وتاريخ الإنتساب 1430هـ
أيضاً عضو بالنادي الأدبي بحائل وتاريخ الإنتساب 1430 هـ

[انتبه امامك عجميه:)]

بنـــــت ابــــوهـــاا

حي الله اللي لاحكت تهمس بهـون
مدري خجـل والا الاهـل راقبوهـا
يسعد صباح اللي حكـت بالتلفـون
لّبـا فـؤادي صوتهـا لعنبـوهـا
هي حركّت قلبي وهو بلحظة سكـون
تكـفـون ياعذالـهـا جنـبـوهـا
خلوها ترتع داخل فـؤادي وتمـون
شوفو ضلوعـي باللقـى طالبوهـا
قلبي عليها ضامي الحـب مفتـون
قصـة هوانـا بالصحـف اكتبوهـا
قولـو علينـا بالخفـى ماتقولـون
اعـلا مابيـن اخيولكـم اركبوهـا
اشقر رشيق القد والمـوت بعيـون
أنا اشهد ان الروح مّنـي انهبوهـا
ارموشها رماح الزناتـي بكالكـون
غنايـمٍ بقصـى حشايـا كسبوهـا
اليا تثنـت كنهّـا غصـن زيتـون
وخدودهـا ورود النفـل داعبوهـا
تجتاحني من صوتها حالـة جنـون
وترتاح نفـس ٍ ربعهـا حاربوهـا
ادعج غنج بعيونها السحر مكنـون
طيرة بحر علـى التـرف دربوهـا
مرهون قلبي في هوى الزين مرهون
تكفـون ياطيـور الوعـد قربوهـا
قولو لها كثر الجفـى زّود طعـون
وعلـى التجافـي والبعـد أنبّوهـا
تعجبني في مزحه وجّـده وتـدرون
بالمختصر هي تعجبـا ً كـل ابوهـا

[انتبه امامك عجميه:)]

اتـــــــــــــصل


ماخطر لك تعبرنـي ولـو بإتصـال
او رسالة تداوي المستهـام العليـل
إتصل طمن القلب الشقي لو سـؤال
خل احس في حنانك لحظة ٍ يابخيـل
تدري من دون صوتك دنيتي بإختزال
ضامر ٍ شاحب ٍ والقلب مثل الفتيـل
لاتقاطع وتجحد يـوم شفـي وصـال
ألطف بحال من سوّى لك المستحيـل
إيـه أحبـك أحبـك مابهـذا جـدال
ومستحيل ألقى غيرك أو أدوّر بديـل
آه واجظِ قلبي كـان وصلـك محـال
جظِ قلب المهلهل من اخـوه القتيـل
لاتغلّى وتكبـر يكفـي غنّـج ودلال
روف يالحاكم الطاغي بعبـد ٍ ذليـل
ذله الحب والحـب ذل قبلـي رجـال
الهوى لاسطا سيف ٍ وحـده صقيـل
محكمتك التعيسه جور وزور وضلال
كنّها محكمة صـداّم وأهـل الدجيـل
عيبي اني رضيت أعيش وسط الظلال
ويش اسوي وحظي كل يـوم ٍ يميـل
وعيبي أني صِدقت ودنيتي بإحتيـال
واقعي زاد حملي لين أصبـح ثقيـل
يانسيـم الليالـي ياهبـوب الشمـال
انحروا دار خلـي لانحرتـوا سهيـل
ووصلوا له سلامي والبيوت الجـزال
ياعسى قلبها القاسي يليـن ويميـل

[انتبه امامك عجميه:)]

مـــــــــــوقف فــي شـــات

مادخلت الشـات لعيـون البنـات
لا ولاجيـتـه مهـايـط يالغـبـي
شاعر آجيـد الصبابـه والبيـات
والنوى من عدّ نبضـي يشربـي
إن ضربت الصلد عوّد لـي فتـات
وإن صفعت العز يرجع لـي حبـي
كان بالسوبـر توّشحـت العبـات
وصـرت تفعـل ماتريـد وماتبـي
بيوم وليله صرت سوبر وسط شات
وذا طموحك ياعريـض المنكبـي
يالضرير اللـي تخبّـط بالعصـات
ضايـعٍ شـارد ولالـه مذهـبـي
مجدنـا عـدّا النجـوم العالـيـات
وصيتنا شعشع شموس وكهربـي
ماكري يالهيس بـروس النايفـات
مادرينـا عـن جخـاخ وجندبـي
أدري لوجيتك تضيق اِبك الجهـات
وماتقـاوم يالـجـراده مخلـبـي
آنـا حـرٍ فـي مراقيبـه يـبـات
وانت هـرٍ وسـط خينانـه ربـي
في دهاليزك وقوتـك مـن فتـات
حقك وماجـاك وهـذا اللـي تبـي
عزّي يانسل الرخامـة بالصـلات
وعيبي إنـي شاعـرٍ حـرٍ أبـي
ماألـدّ لمهـاتـرات وجعجـعـات
واضحٍ شامخ وأنـا خـال النبـي
وإنت خلّك وسط شات ومعجبـات
والله يهنّيـك فيـهـن ياصـبـي

[انتبه امامك عجميه:)]

يـــــــــــاليـــــل


ياليل انا وايـاك صرنـا رفايـق
متقاسمين الهم والحـزن قسميـن
ياليـل اسمـع قصتـي لودقايـق
بس خوفي ازّود لك الهـم هميـن
ادري سكونك هم وصمتك حرايـق
وادري غموضك يحفظ السر لثنين
وّدي افضفض لك وبيّـن حقايـق
واشكي لك همومٍ بقلبي لها سنيـن
ياليل انا حالي من الزيـن ضايـق
الله بلاني بشخص ماهو على الدين
اليا نصيت الغرب ينهّـج شرايـق
ولارحت للمغرب يّعود على الصين
عطوف قاسي والبلـى دوم رايـق
متقّلبٍ طبعـه تقـل فيـه قلبيـن
عاهدتها عهـود ووعـودٍ وثايـق
تصونها بالسبت وتجحد بالاثنيـن
فيه الحلى والزيـن لكنـه بايـق
ياسرع مايخطف قلـوب المحبيـن
ياليل علمي به مع البـاب وايـق
ودّعتها واقفيت والعيـن بالعيـن
والخد يوضي مثل لمـع البرايـق
والصدر متخالط به الخوخ والتيـن
ياليل زوله بالحسـن حيـل فايـق
مثل العنود اللي ترّدد على العيـن

[انتبه امامك عجميه:)]

نرجســـــــــيــه

يوم شفته وسـط هـاك المعمعـه
رفرف الخفـاّق وازدان القصيـد
الشوارع لامشـى لوهـي سعـه
اِتّضايق لنّـه الشخـص الفريـد
ويش اسوّي ياحمـدْ قلبـي معـه
اشهد إني عايش(ن) بعده وحيـد
واشهد إني دون شوفـة مسفعـه
ضايع(ن) كلّي وحزنـي مستزيـد
لبّـى ضحكاتـه ولبّـى مفرعـه
نرجسيّة من يراعـي لـه فقيـد
أذكر الله من عيـون(ن) تسبعـه
يحفظه من كلّ شيطان(ن) مريـد
القمـر لابـان يشبـه مطلـعـه
وإن تبسّم قلت له هل مـن مزيـد
الوصـوف الـنـادره متجمّـعـه
في محيّا الشادن التـرف الشريـد
لو يبيني أجمـع الطـرح أجمعـه
ولو يبيني أبقى في صفّـه بليـد
والدوايـر لويـقـول امربّـعـه
قلت لـه لافـضّ فـوكَ ياعميـد
ولـو يقـول إن الزوايـا أربعـه
للمثلث قلت لـه شـي(ن) أكيـد
آتغيـبـا وآتغيـشـم واسمـعـه
المهم أبقى معه لـو مـن بعيـد
حتى فيثاغورس لو جـاه أقنعـه
وراجع احساب النتايج من جديـد
ولو يقـول إن القصايـد منبعـه
الفراهيـدي يشكّـك فـي لبـيـد
فدوه لو دنيـاي صـارت زوبعـه
ولو يصير العمر بسبابـه زهيـد
ويش اسوّي ياحمدْ غصب اتبعـه
كنّه السلطـان واشلائـي عبيـد
والعـواذل لـو تهدّدنـي دعــه
غيـر كـلاّ أو لمـاذا مـا ازيـد
كـل مافينـي يحرضنـي طـعـه
وآنا من قبل اعرفه رجل(ن) رشيد
يعني احبّه وكـل شـي أصدعـه
لجل عينه والمهـم يبقـى سعيـد
دون مجداف وسواري وأشرعـه
اِرتميت اِفبحره الصعـب العنيـد

[انتبه امامك عجميه:)]

السلآم عليكم ورحمة اللهْ
صبآحكم يآسمينَة نديّة
اليومْ موضوعيْ عن سآحر الشعر ومشعوذْ المفردَة
-> ي سآتر

الشآعر نايف العبيد العتيبي

موضوعْ جدآ بسيطْ والعذر والسموحةة اذا في تقصيرْ
وان شآء الله تكونوآ قضيتُوآ وقت ممتعْ بقرآءة حرفْ العتيبيْ
ونشوفكمْ بموضوع تآني ان شآء الله
دعوآتكم + ردودكم السنعةة + تقيمآتكمْ
فتُكو بعافيةْ
رزان

[جورج العجمي]

تسلم يمناج
و معلومات وافيه و كافيه جهد تشكرين عليه
ننطر جديدج


جهد يستحق الشكر و التقيم
طاب منقولج

&&&&&&

[انتبه امامك عجميه:)]

المشاركة الأصلية كتبت بواسطة جورج العجمي

تسلم يمناج
و معلومات وافيه و كافيه جهد تشكرين عليه
ننطر جديدج


جهد يستحق الشكر و التقيم
طاب منقولج

&&&&&&

نورت اخوي جورج

ويمناك يالغلاا

[الفريض]

لاهنتي ع الموضوووع الرائع

ويعطيك العافيه ع الجهد المبذول وتستحقين الشكر

واااااااصلي

تحياتي،،