الله يصبرني على فرقاك

[نجد العجمي]

توادعني..وأقـول الله يصبّرنـي علـى فرقـاك

وش اللّي تتركه غير السَّهَر والشوق في عينـي
ترا ماهي بسيطة..يـوم أقفّـي عنك..واستنّـاك

معا حـرب الزفايـر معركة..تدْمـي ميادينـي
جروح العشـق فينـي منك..تامرهـا ولاتنهـاك

وأنا منها..حشا ماأنهـى سوايـا عِشْقهـا فينـي
معي حتى الجروح تموت..من زود الهوى تهواك

تقـول الله علـى جرحِك..دخيلـك لاتداويـنـي
مادام انّه معي طيفك..ولو كـان المـراد ألقـاك

بقايا صورتك بآخـر لقـا فـي طيـف كافينـي
على وعد انتظار..ارجـي يديني..تلتقـي يـدّاك

عسـى الله لا يعدّمنـي يدينـك بـيـن يدّيـنـي
والى عاد الفراق..الله يصبّرنـي علـى فرقـاك

أبأقْفي وابتَسِم..وأنت اعرِف انّ الشوق في عيني