حضرت جنابه

*ابوخالد* · #1 29-07-2011, 11:04 PM

سلام ياخوفٍ نبت داخل الجوف...=وسلام ياوجه القلم والكتابه

البارحه ليل السهر هم وحروف...=ودمعٍ نثرته لااجل حضرت جنابه

ياوقت والله مابقى فيك معروف...=وشلون تطبع بالوجيه الغرابه

ياليت ما بالعين ياصاحبي شوف...=ماكان صاحت في ضلوعي ربابه

والله تحلف اني من الضيق مكتوف...=تحت الضما وتشح فوقي سحابه

اطيح من عين السما تحتي سيوف...=واشرب هماج الوقت خوف ومهابه

صارت حياتي كلها خوف في خوف...=بين الهموم وبين نهش الذيابه

ياويل وجهي كل ماجيت ملهوف...=عودت اقول الله يحفظ شبابه

ماشاقني لمعانقه (( روعة الموف ))...=ولا ردني عن جيتي له عذابه

مير انت ياوقت الشقا صرت ملقوف...=وخليت صبح العشق يعلن غيابه

اقفى نهار العيد باايمان وحلوف...=يوم اني اضما وارتوي من عتابه

قال: الوداع وقلت : ماحولك نكوف؟...=قال : انت تبغى الصدق والا سرابه

قلت: اصدق اصدق مابقى فيني كتوف...=وشلون اشيل الهم واقوى ركابه

والله ماباقي بعد صدك حسوف...=ولا باقيٍ بالوقت طيب وذرابه

قال: الرجوع ابعد من الحلم للشوف...=والهم وزع في ضلوعي عصابه

قلت: انت ترمي داخلي موت وحتوف...=قال: انت من ثورت نار الاجابه

قلت : العذر قال: الخطا عنك مصروف...=قلت : الزعل قال الزعل لاتهابه

والله ياقلبي عن الصد معزوف...=والله يعين القلب هم اغترابه

خسفٍ نشى بالقلب والقلب مكسوف...=والوقت قاسي في وقوفه صلابه

مير القهر والهم والضيق والخوف...=(( انك بعيد وحزن الايام غابه ))

وداع ياخوفٍ نشى داخل الجوف...=وسلام ياوجه القلم والكتابه

البارحه ليل السهر هم وحروف...=ودمعٍ نثرته لااجل حضرت جنابه