غنّيت لكن ياوش غنيّت يالمجول...!

[محمد المجول]

حلم ٍ بنيته ولكن واقعي عيّا=إلين شفت الفراق الصعب قدامي
غنيت لكن ياوش غنيت يالمجول=(( من بادي الوقت وهذا طبع الأيامي ))
يوم إفترقنا وخانتنا مشاعرنا=ماشفت غير الندم في عضة إبهامي,,!
أثر الزمن يامحمد ساعه ولحظه=لحظة تمنّي وساعة واقع ٍ دامي
إيه أعترف لك أحبك وأعشق ترابك=حققت لك حلمك وضاعت بك أحلامي
مدري أنا العاشق اللي بر معشوقة=وإلا عشيق ٍ هجر عشقه وهو ضامي,,!!
بس الأكيد الشعر مايبري العلّه=لاصار صدق المشاعر واقع إلهامي,,
مظلوم..ظالم..ماتفرق لنّي الخاسر=مدام حلم المواصل مات قدامي,,