لو كنت كافر والله اني قـد اسلمت

[الجويّر]

السلام عليكم ورحمة الله وبركاته



اعزائي محبيّ منتدى العجمان مساكم الله بالخير جميع 0 هذي قصيده كتبتها من فتره


واسبابها بنت ينقال لها الشيهانه قالت مارأيك بالبيت هذا فلما سمعت البيت انذهلت منه



لان البيت ضربني على الوتر الحساس وكانت مالي حيله الا اني استنجد بالشعر وابنـّج الروح فيه

الشيهانه قالت

___________


مريت أما كنـّا القديمه وسلمت = مريت لاكن مادرت عن مروري


واستلهمت المعنا وقلت:

________________


ماكل بيت ٍ بالشعر له تطعـّـمت = وماكل معنا وسط راسي يدوري

لاشك انا هالبيت عنده تحطمت = كنـّـه كتبني في تحطـّم شعوري

لو كنت كافر والله اني 0 قد اسلمت = ومن سبته طوّفت لقمت سحوري

شيهانة ٍ جت به وانا اللي تألمت = طـرّت عليّه ماضيات العصوري

والجرح هاض وعارض الهم ثم همت = عوايد ٍ ماني لها في نكوري

وش عاد لو العمر كله تندمت = مايرجع اللي راح لو زاد جوري

ياعين نامي وانت ياقلب لو نمت = ماشاب راسي لو صغيتوا لشوري




وسلامتكم



الشاعر / سعود رتيبان الجويّر