صبحكم الله بالخير ,,
قلبت الذكريات او قلبتني الذكريات واهدتني جروحها وذكرتني بولدي ف أليكم هذه المرثية
لا أراكم الله مصيبة او مكروه بعزيز لديكم .
وسامحوني كان ضايقتكم
عديت في راس الطويلات مرقاب = يدفعني التفكير واللي سطا بي
والوقت يلعب بي على كل هبهاب = والهم لوعني وودا وجابي
وطوحت بصياحي وشقيت الاجياب = وهليت دمعي ماحد(ن) به درابي
خليت ربعي والجماعه والاقراب = وسط العزا والقلب شب وسرابي
حالي وهن والقلب طايح ولا طاب = لو كثرولي بالدوا والطبابي
عزاه ياطيفه على البال ماغاب = وكم واحد(ن) قبله مع الموت غابي
نصيتها لندن ونواف ماطاب = ولفيت بامريكا على كل بابي
يابوك يانواف في القلب مخلاب = والطب وقف ياعساه الذهابي
يابوك سامحني وانا اصد مهتاب= وانا اسمع صياح(ن) يزود عذابي
الموت حق وكل عمر(ن) له احساب = تقدير ربي ليت ربي غدابي
جعل الدموع اللي على قبره انساب = يسقيه ويسيل جفاف الترابي
هذا مكانه وذيك كتبه والالعاب = وهذا سريره والكبت والثيابي
يالله يادامح كبيرات الاسباب = تدمح خطاي وزلتي في اعتابي
ويالله ياموجر على الهم منصاب = اوجر وخفف لي كبير المصابي
وسلامتكم
13-01-2006, 01:57 AM
العرض الشجري