ياليتني في خدها دقة وشام!!
الجادل اللي لخبطتنـي فـي الـدوام
اليا اضحكتلي قلـت غنـي ياهمـوم
تقصر بمشيتها مثـل مشـي الحمـام
واشوفها حسب المذاهـب والسلـوم
ان شفتهـا قمـت اتلعثـم بالـكـلام
ثم اختلف واجلس على الكرسي وأقوم
بنتٍٍ بتاج الحسـن يزهاهـا الوسـام
منها انبهرت وقمت اسامـر للنجـوم
أم الثمان اللـي كمـا بـرق الغمـام
برقٍٍ تشعشع وانجلـت عنـه الغيـوم
ياليتنـي فـي خدهـا دقـة وشــام
اللي غلاها داخـل القلـب امختـوم
وياليتهـا حلـمٍٍ يجيـنـي فالمـنـام
واشوفها في كـل ليـل وكـل يـوم
واليا عرضلي طيفها وقـت الظـلام
الشمـس ماتشـرق ويبطـن الحلـوم
ولولا الحيا واخشى من عيال الحرام
اللـي اتـدور للسوالـف والعـلـوم
انـي لهـا لااثنـي تحيـات السـلام
وأقول حبك حط فـي قلبـي سهـوم
وأخشى لايلحقهـا ويلحقنـي مـلام
وتفطر بنا العالم على الـذم وتصـوم
واللـي سواتـي والله انـه مـايـلام
لـو ايتجـاوز بالحـدود وبالرسـوم
لاشك انا لي شيمتي حسـب النظـام
على النقا وامشي مع الدرب العمـوم
منقول
21-01-2006, 08:51 PM
العرض الشجري