مرثيه ذيب ابن الذيب(شاعر الاربعين)

[gravity]

هذي المرثيه لشاعر الاربعين ذيب ابن الذيب يرثي فيها رفيق دربه وابن عمه المرحوم حسن ابن رحيان وابنه ماجد ... وضعتها حسب طلب اخواني الاعضاء ...

إليكم القصيده ..

للصمت حزه وللمنطوق حزاتي= وانا من اللي تحرى الناس منطوقه

على هجوس الشعر والجن شرهاتي=ان كان ما وقفت للشعر محقوقه

ترثي عضيدي ونجله باصدق ابياتي= تتعب على الزين لو انه غلا سوقه

ترثي عضيدي لاشان الوقت ومرآتي=من بعده القلب كنه تل معلوقه

يافاضل الشمري طولت بسكاتي=لكن طبع الحزين يزيد به عوقه

لو القصايد تعبر عن معاناتي=قدام ما ندفنه غنيت طاروقه

الحزن يصحى معي ياخوي ويباتي=من جاير الوقت كن النفس مخنوقه

الحزن ماهو لعماني وعماتي= الحزن من عادني طفل وانا اذوقه

القبر مالي على جيته مشهاتي=لولا فقيد تحت طينه وطابوقه

بكيت في الدار وابكيت القرياتي= وانا دموعي عن المنقود مفهوقه

لو ان دموع العيون ترد الامواتي= خليت دمعي ما ينشف من على موقه

كله على شان فقد أبا المهماتي= اللي له العود يفتح قفل صندوقه

صبي على هقوت الطيب وهقواتي=تقول نفسه لفعل الطيب مخلوقه

يتعب على الطيب في شتى المجلاتي= نفسه غيوره على على العليا ومحروقه

يشبه له طويق والا ضلع اباناتي= بيته ملاذ الضعيف الى زبن طوقه

من الفخر والمعزه والمرواتي= كن السحب تحت رجله ماهي بفوقه

لا من ذكرته بوقت الضيق ماحاتي= كني بعيطا على الضلعان منتوقه

مراجله حاضره في كل الاوقاتي=علي دينٍ على ماقول مرفوقه

يالله يا من رفع سبع السماواتي= تظله بظل عرشك تحته وفوقه

وسلامتـــــــكم

صح لسان شاعرها ابو راشد...

أختكم الســـــولعيه

[النقال]

الســــــــــــــــولعية

بيض الله وجهك وصح الله السانك وألسان بن الذيب

وهل هو محمد بن الذيب؟؟


دمتي بخير



أخــــــــــــــــوك




النقــــــــــــــــــــــــال

[بيطار]

الله يرحمهم ويرحم اموات المسلمين اجمعين ..

صح لسان الشاعر ذيب وقصيدة مؤثرة جداً

الفاضلة السولعية ..

تسلمين على ما طرحتي من مرثيات

وألف شكر لكي اختي ..

بيـطار

[gravity]

هلابك يالنقال مرحبا ومسهلا

صح ابدنك يالشيخ والقصيده للاخ الاكبر لمحمد ابن الذيب وهو ذيب ابن الذيب(شاعر الاربعين)..

سجل فائق الشكر والاحترام


أختك الســــولعيه

[gravity]

هلابك يا بيطار

الله يسلمك ويطول بعمرك ياخوي وانا احاول اضع بين ايديكم كل ماهو جديد وانتو تستاهلون كل خير ..

وصح كلك يالقرم ..


أختك السولعيه

[صـــبـــــــــا]

صح الله لسان الشاعر الأربعين ذيب ابن الذيب

يعجز قلبي عن التعبير يالسولعيه

الله يرحم أبو ماجد وماجد ويسكنهم رياض الجنه يارب العالمين

فديتك يالسولعيه على ذالقصيده المؤثره

[محمد بن جنيد]

صح لسانك ولساان ابو راشد
شاعر كبير وقصايده حلووه


مشكووره يالغاليه على الاختيار الحلو

والله يعطيك العافيه
ولاهنتي


تحياتي

[عيد بن شدقان]

الله يرحمهم ويرحم اموات المسلمين

وصح السان الشاعر/ذيب بن راشد

وتسلمين يالسولعيه


والله يعطيش العافيه

[فلاح بن ملبز]

الله يرحم أموات المسلمين

وصح لسان الشاعر / ذيب بن راشد

ولاهنتي يا الســــــــولعيــــه على النقل الرائع

ولش جزيل الشكر

[gravity]

الاخت العزيزه صـــــبا


صح ابدنك ولا هنتي على المرور


وجزاك الله خير على الدعوه ...

سجلي فائق الشكر والتقدير

اختك سعووووووو