اليكم هذه الابيات البسيطة ان شاء الله بس تعجبكم ونصيحة شوفوا النصايح بلاش لا تثق باحد مهما كان خاصة في وقتنا هذا اللي طغت فيه حب المصالح على كل شيء .............
عرفت الناس والدنيا وعرفت اني انا الغلطان = قهر يقتل ولا تاثق بناس مالها شيمه
بداية عشتها لكن ماكانت لي العنوان = وكانت محزنة يعزف عليها الغدر ترنيمه
تحرك بعدها عقلي وثار بداخلي بركان = واخذ قلبي قرار وتم تنفيذه وتعميمه
انا اللي ماهقيت ان الوفاء ضايع وماله شان = ولا كنت احسب ان الغدر يلحق خاطري ضيمه
غريبة هذي الدنيا تجازي المخلص بنكران = ولو تطلع ولو تنزل تلاقي مالها قيمه
انا ياناكر المعروف راسي ماخضع لانسان = وعلى ماقالت الامثال كل دقة بتعليمه
تظن انك بفعلك هنتني بالعكس عقلي زان = فراقك يوم عيد انصحك لا تحضر مراسيمه
خذ انواع الجفى والصد والتعذيب والهجران =ولك عندي سوالف في خفوقي باقي مقيمه
نويت اقلب حياتك كل ابوها بهذلة واحزان = واذا قلبي نوى ماحدن يرده عن تصاميمه
ترى ماعاد لك في داخلي ذرة من الوجدان = برق نور الجفى في داخلي وانزاحت الغيمه
كرهتك لو معاك اموال قارون وذهب هامان = شطبك القلب من دفتر مواعيده وتقويمه
بعد مايوصلك علمي بتعرف من هو الخسران = وذاك الوقت دور عذر يشفع فيك تقديمه
ابد ماهي على كيفك تروح وتنكر الديان = وصل وقت السداد الدين غصبن عنك تسليمه
واذا قصدك تعاند ولد هادي شالك الطوفان = ولا منه تحطم سور قلبك عيد ترميمه
وترى توي عرفت اني معك بالذات انا الغلطان = وترى توي عرفت انك من اللي مالهم شيمه
وسلامتكم
12-06-2006, 06:53 PM
" ياناكر المعروف "
العرض العادي
