الأسماء التي تخلفت عن الحضور في يوم التصويت !!!!

[كويتي]

قسم بالله لـو انـي منــك ما نطرت رأي احد
ونزلها وخلي العالم تشـوف الي مافيهم
خيــر في نفسهم وفي عيـال عمهم ..

عشــان يكونون عبــره حق غيرهم ما ضيع
الرقه وهديه غير هل اشكــال متخاذليـن
وفوق هذا حاسدينا القبايل يقولون العجمـان
حميــه

[كنزان]

نعم انشروا

السولعيه أي فخذ قولي أسمهم ولا يهمك ترى ذبحتنا المجاملات

[gravity]

.
.
.
.
.
.

[alsh3r]

بسم الله الرحمن الرحيم

الفـتــنــه نـــائمــه , لعــن الـلـه مــوقظـــها

انا مع الاخ راكان يام , العاطفه شي و المنطق شي آخر , في ناس لها ظروف , في ناس مرضى , فيه ناس مقيدين بس توفوا , انتوا يا اخوان لا تحسبون كل شي بسرعه , ترا العجله من الشيطان , يعني فيه عجمي بيقول لا هذا من فخذ ثاني خله يولي ؟؟ .. نقول ان فيه هالنوعيه وهالشاكله الناقصة الرجوله والحميّه , لكن ما يصل عددهم الى اعداد اللي قطعوا , ولو لا سمح الله انه وصل فهذي مصيبه وكارثه , ياجماعة الخير الناس لها ظروفها ويجب منكم تقديرهاا .

والاخت السولعيه يوم تقول فخذ كامل !! .. يا اختي الفاضله ماله داعي هالكلام وتاخذش العصبيه و عبيـّـه اهل الجاهليه , الفتنه يالسولعيه نائمه لعن الله موقظها لحد يكثر الحكي ترا كثره ما منه فود , والطيور طارت بارزاقها , والله يعين اللي نجحوا على فعل الخير وعلى الاصلاح .

[Holocaust]

اللي ما يحضر في هذا اليوم ما فيه خيييييير ... بالنسبه للرقه كل اللي يصوتون موجودين في البلاد ولكن مشكلة ربعنا الخلافات بين الفخوذ فيما بينها هناك فخذ من العجمان ما يدعم الا المرشح اللي من نفس الفخذ ,, وهذي مصيبه,, يحسدون بني عمهم ويغارون

[بترولي]

في دائرة الرقه عدد العجمان الذين تخلفوا حسب مصادر المناديب 1282
الرجال 377 والنساء 905وللأسف لايود البعض بنشر أسماء المتخلفين
عن الحضور وبكره بيقولون كلهم ( مرضى ) أو مسافرين .
وللعلم أنا في العام الماضي اقترحت بعد انتخابات البلدي بنشر أسماء من تخلف
من العجمان وزعل أغلب ابناء المنتدى من اقتراحي ( ارجعوا له )
بصراحه مناصب ظاعت بسبب استهتار البعض وحقد قلوبهم .

وتحياتي للجميع

[The_end]

يا جماعة احنا محنا بدولة عشان تطلعون الاسماء التي تخلفت عن الانتخابات ؟؟؟؟

اذكروا الله ترا الدولة للحين بامن وامان و انا اوافق رأي مشاركة

ثانيا حتى لو طلعتوا اساميهم محد يقدر يسويلهم شي ؟؟؟؟؟؟ بتسحبون جنسيتهم يعني او تطردونهم من الدولة

ثاليا الفرعي أصلا جريمه يعاقب عليها القانون و ترا محد مجبور يصوت للثاني و محد عبد عند الثاني و غصبن عنه يصوتله عشانه فاز بفرعيه و المسأله حريه شخصيه و حنا بدولة ديموقراطيه !!!

رابعا على الاقل على الاقل المفروض ان يكون اختيار من يمثل القبيلة بمؤهله العلمي مهب لكثافه فخذه او غيره

و شكرا

[بستكي]

نعم مع نشر اسماء الرجال اللي تخلفوا ومافزعوا لربعهم ومايحتاج ندخل العاطفه في هذا الموضوع
لان الموضوع خطير وما يتحمل السكوت عليه وكل عجمي واجهته متالم واجد من سقوط العجمان في الانتخابات ولا بد من تطييب خاطرهم بنشر اسماء المتخلفين لان بعضهم للاسف تغيب عن سوء نيه وراح يحتاجنا في الايام القادمه وبعدين نعرف نرد عليه
سامحوني اذا اخطيت علي احد في هذا الرد بس لازم نقول الصراحه والحمد لله ان في هذا المنتدي الواحد يقول اللي يبيه بصراحه من دون تجريج في اخوانه وهذه نعمه ويكون فيه ان شاء الله مصلحة القبيله ورفعتها
ومشكورين

[THE LION]

شكرااا للجميع من صوت على الموضوع إلى حد الان

يا جماعه

الاسماء التي لم تحضر ليس من فخذ واحد ولكن جميع الافخاذ مشتركه في هذااا الامر

وهذاا يجعلنااا نعتب على هذااا التصرف من شباب القبيله

الذين اخذواا الامر بنوع من اللامبالهااا ظننااا منهم ان تصويتهم لان يؤثر في النتجه

هو يظن انه وحده في هذاا الامر

ولكن الرقم الموجود والاسماء كثيره جدااا

يجعلناا نحزن لخسارتنااا هذاا المقعد وتسلمه لغيرنااا ...للاسف

[alsh3r]

الاخ العزيز The Lion
شي هام جدا يجب عليك ان لا تنساه , ترا اللي مواليدهم 85 مقيدين , بس ما صوتوا لان وزير الداخليه منعهم لان في ناس يكملون بعدالانتخابات .

ترا ما ذكرت هالشي الا لانك قلت :-

وهذاا يجعلنااا نعتب على هذااا التصرف من شباب القبيله

,لانك حددت الشباب بالذات ,ويمكن طافت عليك هالنقطه اخي الكريم , واللي مواليدهم 85 ومقيدين واجد .