وإمن الجمال ارق واجمل شي لي مالـه مـدى/شـي ولله الكمـال يرجـع الشايـب صـبـي

[عيد بن شدقان]

هلا بمبدا اللي يطيـر إلـه النظـر لامـن بـدا=شرايعه فـج الضمايـر فـج واطباعـه سبـي
،
خذا من البدر السنـا الوهـاج والـورد النـدى=وإمن السبايا قامته ومن الظبـي عنـق الظبـي
،
وإمن الجمال ارق واجمل شي لي مالـه مـدى=شـي ولله الكمـال يرجـع الشايـب صـبـي
،
غنيت له وابغى اهـدى لكـن وشلـون اهـدى=من عقب ماعرض على وشـب نـاره بحطبـي
،
عزف على اوتار الشعور وصار لشعوري صدى=والمشكله من عقب ماغنيـت لـه عـز إطلبـي
،
تقـول كنـه مايعـرف إمـن الكـلام الا بـدا=يفهم ويدري ويش ابي ويقول مـدري وش تبـي
،
ياعزتي لي كان ضاعت عنـده اشواقـي سـدا=واقفت ضعوني عنه ماحصلت مـردود إتعبـي
،
لو اخسـر اشيـاءٍ كثيـره سبـة وصالـه فـدا=بلعون من حسب خساراتـه معـا مثلـه غبـي
،
تهون لـه كـل الصعـاب وكـل شـي ماعـدا؟=كرامتي تبقى على راسـي وفـي سـد اشنبـي
،
ياهيـه ياميـاس ياللـي مامـلا عينـك حــدا=ياليت ذودك عند ذودي وإعربـك عنـد إعربـي
،
من شان تجمعنا علاقة قـرب ونصيـر احـددا=وان ضاق خلقي بسببك ماضاق خلقـك بسببـي
،
ان جاك منـي طيـب وإلا مايجـي منـي ردا=فديتك ولبيه مـن عـادك علـى الديـد اتحبـي
،
ظلمـت بستانـك بفستانـك وهـو مالـه جـدا=كنه يقـول شرايـك بغصنـي وعنقـود اعنبـي
،
وإليا انثنى خصرك معا ممشـاك ياجنـة خـدا=ولاختلطت انفاسك بريح العطـر ياديـن النبـي
،
وقف دخيل الله عصفوري علـى غصنـك شـدا=وإلا فقل لي وش تبي واقول هـذا اللـي ابـي
،
،
،
للشاعر/عوض ابو فقايا