ابن ادم اللي خلقه الله من طيني = تلقاه دايم عنيد وراكبٍ راسه

[زهير]

اسعد الله مساء الجميع وكل عام وانتم بألف خير

لياغابت الشمس تبعدني وتدنيني = اماني القلب واحلامه وهوجاسه


اتعبني الوقت الأقشر والسبب عيني= من كثر ماشافته من الوقت حساسه


وعلى السهر مالقيت اللي يواسيني = كلٍ من الناس مشغولٍ بوسواسه


اجامل الناس والأيام تطويني = والنفس مابين رحاله وعساسه


واحترت مابين بايعني وشاريني = من بين الأثنين تهت وضاعة الطاسه


الوقت غيري معذب له ملاييني = كم واحدٍ قد جفاه وبلد احساسه


ابن ادم اللي خلقه الله من طيني = تلقاه دايم عنيد وراكبٍ راسه


والا انه ايشوف عنه يسار ويميني = الموت بالعين مايبغاله فراسه


الله على اللي يسوون القوانيني = كلٍ يفصل على رغبته وقياسه


بالعيد كم من مضحي به مضحيني = من جا على الدرب كلٍ بالقدم داسه


والوضع مقلوب قدله مدة سنيني = من وعد (بالفور) والأوضاع منحاسه


من صبح الجار لابده يمسيني = ياهل الرمك كل واحد يسرج افراسه


تكفون هبو ولبو يالمثاريني = من قبل ياقع على هاماتكم فاسه


الله خلقكم رجومٍ للشياطيني = حتى المنجم يخيب ويعلن افلاسه


مهما ارتفع كل طاير بالجناحيني = له يوم يقضى عليه ويلفض انفاسه

[الباشا]

مرحبا بالأخ القدير
زهير

قصيدة رائعه صح السانك

[علي السكران]

من صبـح الجـار لابـده يمسينـي=ياهل الرمك كل واحد يسرج افراسـه

صح لسانك ... قصيده رائعه

والله يوفقك ويزيدك من خيره

اخيك ... علي السكران

[™ عبد الله ™]

السلام عليكم

الاخ زهيــر ... دائما ما تغيب وتنقص لنا اجمل الكلمات


صـــحّ لســانك ..

وكلمات معبـّـره


تحيـّاتي لــ K

[حمد بن سعد المسرع]

صح لسانك اخي زهير كلمات عانقت الوجدان برحابة الفضاء

حمد

بن

سعد

المسرع

[عبدالناصر آل عبدان]

صح الله السانك يازهير


وحياك الله يالقرم


ودعتك الله

[موج الأحزان]

صح لسانك يامبدع على ذالقصيده وعزالله أنك بينت ووصفت وصدقت..

[عيد بن شدقان]

زهير


حيه وحي ماجاب



قصيده جزله من شاعر جزل


صح السانك واعتلاا شانك


ولاهنت

[عبير]

الفاضل ..زهير

قصيدة رائعة ..صدقت وأبدعت بها

لمدادك كل الشكر

[البنت الجزله]

اخي .... الكريم زهير

قصيده رائعه وجزله

سطرت وابدعت

شكرا لشعورك واحساسك ونبض قلمك