منهو يهون النفس لجل بنيه؟ .. فانا شهدنها ضايعه مرجلته؟؟

[(هاوي قصيد)]

مسا الخير

مدامني شاعر وشعري قلته = واجب علي اطبق إبفعلته

ولاقده من وحي الخيال استسمح = وان كان واقع فاشهدني طلته

اراعي القيفان واقدمها = لجل الحزين اللي تدور اسئلته

في وسط راسه والزمان الاغبر = يما يزول الهم ولا زلته

قولٍ اقوله نذر خيط ارقبتي = اني انوله كيف لو مانلته

ابترك القيفان واهملها = واسري المسحوب مع قافلته

ويالمترف اللي فيه كبر وزمه = كن ذالوادم كثرها ماشغلته

غير القساوه طبع فالرجالي = وقسوة خفوقي طبع ماتحملته

قالت فمان الله ياذا المولع = مانت الذي فالبال متخيلته

تبغيلها صبيٍ يرحب دايم = ويحب يدها كل مازعلته

قليصتٍ يمشي على موجتها = مانيب من جنسه ولا شاكلته

منهو يهون النفس لجل بنيه = فانا شهدنها ضايعه مرجلته

وسلامتكم

[حمود بن فطيس]

صح السانك يالسنافي


جزل دائما


وتأكد اني متابع لك


تقبل تحيات مودعك


حمود بن فطيس

[(هاوي قصيد)]

حمود بن فطيس ,,
صح الله بدنك , ومتابعتك وسام يالسنافي
لاهنت على المرور طال عمرك

[عبير]

سلمت ودمت

صح لسانك أخي الهاجري

ودامت قوافيك

[@الشيــــــــــــنه@]

صح لسانك


ويعطيك العافيه على القصيده الرائعه

[bird of shalwa]

تبغيلها صبـي ٍ يرحـب دايـم=ويحب يدهـا كـل مازعلتـه

قليصة ٍ يمشي علـى موجتهـا=مانيب من جنسه ولا شاكلتـه

منهو يهون النفس لجـل بنيـه=فانا شهدنها ضايعـه مرجلتـه

تهقى إنهم ظارين على القلايص ؟


,., الهـــاجري ,.,

صح الله لســانك ,, وقصيدك يعجبني بذرابته وجزالته وترفعك عن أمور ٍ كثيره أستباحوها شعراء هالوقت للأسف ,,

وأنت عكست الصوره بيض الله وجهك ,, وعكست شخصيتك على قصيدك

تقبل إعجابي بكل ماتكتب ..

لك فائق الأحترام والتقدير

اخيـــك

[سالم الرتيبان]

الهاجري صح لسانك وعتلى شانك
جزله
تقبل تحيات مودعك
سالم الرتيبان

[مزيووونة العجماااان]

صح لسانك واعتلى شانك اخوي ابيات جزله

لااااااااااااااااااااااهنت

[صـــبـــــــــا]

قصيده ولا أروع ...
صح لسااانك وكلك يالهاجري لاهنت على ذالقصيده ...
دامت قوافيك .. أختك : صــبـــآ

[(هاوي قصيد)]

عبير ,,,
صح الله بدنك , والله يسلمك
لاهنتي على المرور الكريم