يانــبــيــه الــخــلق خــلــك علـى الدنــيــا نــبــيــه ....

[محمد المجول]

السلام عليكم ورحمة الله وبركاته

أضع بين أيديكم هذه المتواضعه عسى أن تحوز على إستحسانكم

ربي اللي مالي غيره لضاقت أشتكيه=رحمتك ياذو الجلاله من أصناف العذاب.
عيبي إني عارف(ن)مجمل أنواع الوجيه=عيبي إني منحني للرياح ولا أهاب.
عيبي إني ماأبيع الصداقه بالجنيه=عيبي إني حافظ(ن)كل سطر(ن)في كتاب.
عيبي إني ماحشم كل جاهل أو كريه=عيبي إني منطعن بألف خنجر من قراب.
والأكيد إني تركت التصنف للسفيه=مالبست ثياب غيري ولاخفت الحراب.
ممنعتني عوج الأيام من شي(ن)أبيه=والله إني لوصله لو تعلا للسحاب.
والله أني خابر(ن)بالنفوس وماتخفيه=أحسب إنها ميزت(ن)فاتحه لي كل باب.
مادريت إنها عذاب الخفوق ومايليه=وإن ثلثين المصايب تجيك إمن الصحاب.
أتقي طيب المنافق ولا أشره عليه=ولا أطيح إلا وأنا شامخ(ن)مثل الهضاب.
الجمل لاطاح ياقوم كثروا ذابحيه=وأنا توي واقف(ن)وإنكشف مليون ناب.
يانبيه الخلق خلك على الدنيا نبيه=الله أكبر شاب عمري وأنا توي شباب.
وش بقالي يازمن غير وقتن أرتجيه=ياعساه يضم عيبي ويرضى باالخراب.
وإلا أنا مامد قرشي وأفكر أشتريه=إن بغاني مرحبا وإن تركني للذهاب.
لاني من روس النوابغ ولا حتى وجيه=شخص عادي عزته راس ماله والزهاب.
طالت رقاب الردى والمناصب تحتريه=والمراجل مالها غير صبر(ن)به ثواب.
شقلبت حاضر تعفن ولاله من شبيه=شيب عينك يامحمد دنا وقت الحساب.
أبغض أنواع السؤال الذي يبدا في ليه=تفتح أبواب التسائل ولا تلقى جواب.
مد خطوتك الجسوره على مرئا الوجيه=خل دينك وسط عينك ولا تخشى الحراب.