على وضح النقا .. والحب الأول \\ لو أمحي ذكرياتي .. مامحيته

[مهرةٍ اصيلة]

السلام عليكم ورحمة الله وبركاته



من أقرب قصايد الشاعر \\ مشعان البراق .. لي ..

اتمنى تنال على إعجابكم ..

.
.

مـاجـانـي مـنــك يـاربــي رضـيـتــه=وقـانـع فــي عـطـاك الـلـي عطيـتـه
احمـدك وأشكـرك والشـكـر واجــب=ولاغـيــرك لـيــا ضــاقــت دعـيـتــه
يـاربــي وانـــت تـعـلــم بـالـسـرايـر=وعــن عـلـم ٍ عــن الـعـالـم كنـيـتـه
تذكـرت السنيـن الـلـي مـضـت لــي= وبـيــت ٍ .. كـــل ماحـنّـيـت جـيـتـه
تركـه الـلـي تركـنـي مــا انتظـرنـي=وانـا يـامـا عـلـى الــدرب احتريـتـه
لـكـن الـيـاس مــن دونــه ودونــي=الــيــن الــهــم بـعـتــه واشـتـريـتـه
لــو انــه عـنـي ابـعـد مــن ديــاره=يحـسـب انــي نسيـتـه / مانسـيـتـه
يـبـي يبـقـى غـــلاه الـلــي يـخـبـره=وغــلا الغالـيـن مــن حـيّـه وميـتـه
وغلا ارض ٍ قد وطت رجله عليهـا=لــو انــه بـعـد قـفّـى مـــا رجـيـتـه
مقـامـه مــن وراء نـجــوم الـثـريّـا=ومن بيـن الضلـوع العـوج .. بيتـه
مــلّــك فــــيّ الـمـشـاعـر كـلـبـوهـا= وقلبـي عــن هــوى غـيـره نهيـتـه
علـى رجـم الـهـوى كلّـفـت نفـسـي=وعنّـيـت الـقـدم .. حـتـى اعتلـيـتـه
احسبه راحـةٍ لـي .. وأحسـب انـي=ابـسـتـانـس لــيــا مــنـــي بـديــتــه
والا يالـيـتـنـي ريّــحـــت روحـــــي=وقصـرت خطـاي عـنّـه مــا رقيـتـه
وطـانـي مـاوطــى مـجـنـون لـيـلـى= ودينـي مـن زمـانـي مــا اقتضيـتـه
يـالـيـتـه قــبــل لاتـقــفــي ركــابـــه= تذكـر وش مــن ايـامـي عطيـتـه !
ياليتـه حـسّ فـيّ .. وشـاف حـالـي=وهـــو يـــدري فــراقــه مـاقـويـتـه
ياليـتـه قـــال لـــي مـــع الـسـلامـه= يالـيـتـه ثـــم يالـيـتـه ثــــم يـالـيـتـه
ابـسـمـح واتـــرك دروب الـمـحـبـه= وابـهـدم كـــل شـــي ٍ قـــد بنـيـتـه
ولـكـن جـعــل فـالـلـي راح خـيــره= هـذا المقسـوم مـن سعـي ٍ سعيتـه
هـذا المقسـوم والمقـسـوم حـاصـل= ومكتـوبـي عـلـى وجـهــي قـريـتـه
لـو انـه تحـت الارض اظنـي اســلا= واسـلــي خـاطــري لامـــن رثـيـتـه
لكـنـه حـــي .. وعـلـومـه تجـيـنـي=وطيفـه ويـن مــا أوجّــه .. لقيـتـه
يادنيا : انتي من انتي له يادنيا !!=حـصـلّـي مـنــك شـــي ٍ ماهـقـيـتـه
سمحـت مـن الهـوى خيـره وشـره=يكـفـيـنـي مــنْــه شــــي ٍ خـذيـتــه
مـعــوّض خـيــر يـالـقـلـب الـمـعـنّـا=هـذا قسمـك لـو انـك مـا اشتهيـتـه
حلـمـت وضـاعــت الاحـــلام مـنّــي=وهـذا الـلـي مــن احـلامـي جنيـتـه
يـاكــم وقّــفــت لـسـهــوم الـمـنـايـا=وكـم مــن راس داب ٍ قــد وطيـتـه
وكــم نـاديــت بـأسـمـه ماسمـعـنـي=وكـــم لــيــل ٍ عـلـشـانـه سـريـتــه
عـن العالـم .. مكانـه فــي عيـونـي=وقـــوس الـحــب لعـيـونـه بـريـتــه
علـى وضـح النقـا / والـحـب الاول= لـو امحـي ذكرياتـي .. مـا محيـتـه
.
.

تقبلوا كل الود ..

إختكم .. مهرةٍ اصيله

[الحلم الظاهر]

هذى الكلمات اللي تحيي الخاطر والقلب ينبض لها

شكرا لك

[عيد بن شدقان]

على وضح النقا / والحـب الاول=لو امحي ذكرياتي .. ما محيتـه
ياسلام سلّم



صح السان الشاعر /مشعان البراق



وتسلمين

يامهره
اختيار رائع


الله يعطيش الف عافيه

[بندر]

الغاليه .,

مهره أصيله .,,

كلّ يوم تزداد إعجابي بذائقتش وإختياراتش .,

صح لسانش ولسان أبومحارب

ولاهنتي .,,

[الــحـشـاشـــه]

على وضح النقا / والحـب الاول=لو امحي ذكرياتي .. ما محيتـه


رووعــه

صح لـسان شاعرهـا

يعطيتس العافيه يا مهـره على الـنقل الطيب والاختيار الرائــع ..!

تـقبلي تـحياتي

[gravity]

لو انه تحت الارض اظني اسـلا
واسلي خاطـري لامـن رثيتـه
لكنه حـي .. وعلومـه تجينـي
وطيفه وين ما أوجّـه .. لقيتـه

رائــعه راائــــعه الابيــات

صح الســان الشاعر/ مشعان البراق

بصراحه اول مره اقرأ قصيده له !

اتمنى ان ماتبخلين علينا بقصايد هذا الشعر المبــدع ..

الله يعطيج العافيه ويسلم ذووقج يالغاليه مهــره اصيله ..

[ناصر بن فالح]

الله الله صح لساانه ولسااانش


اختيار رائع

[الاحرش]

لاهنت

والله يعطيك الف عافيه

[مهرةٍ اصيلة]

المشاركة الأصلية كتبت بواسطة الحلم الظاهر

هذى الكلمات اللي تحيي الخاطر والقلب ينبض لها

شكرا لك

الحلم الظاهر ..

شاكرتلك على المرور الرائع ..



تقبل كل الود ..

إختك .. مهرةٍ اصيله

[مهرةٍ اصيلة]

المشاركة الأصلية كتبت بواسطة عيد بن شدقان

على وضح النقا / والحـب الاول=لو امحي ذكرياتي .. ما محيتـه
ياسلام سلّم



صح السان الشاعر /مشعان البراق



وتسلمين

يامهره
اختيار رائع


الله يعطيش الف عافيه

عيد بن شدقان ..

الله يسلمك ..


وكل الشكر لك على الحضور ..



تقبل كل الود ..

إختك .. مهرةٍ اصيله