الصدق منا والصراحة طبيعة

[علي العايد الهاجري]

لا صرت ما ترغب بما تستطيعه
مـا تستطيعه كان به صرت رغبان
وإن جاك شراي على طول بيعه
بعض التردد يخسرك وأنت ربحان
والحرص واجب والنوايا وسيعة
وإخذ الحذر من اللي تعامله بإحسان
ومـا كـل مـا تسمـع لـزوم تذيعـه
لا صرت ما تملك من القول برهان
وإن كان ما طاعك زمانك فطيعه
ترى القناعة كنز في كل الأحيان
والصاحب اللي صد ناوي قطيعة
مـا عنه منشـود ولـو عـاد نـدمان
تكـرم لحـانـا مـن دروب الخديعـة
عـاداتنـا نـوفي ليا من الردي خـان
والصـدق منـا والصـراحـة طبيعـة
وحب الرجال اللي لها المجد عنوان
ونفرح بشوف أهل السنن والشريعة
فـي مجلـس مـا فيـه زور وبهتـان
فـي مجلـس مـا فيـه نفـس وضيعـة
ولأهل الوفا نذبح لهم حيـل وسمان
ونفــز لــه ونقــوم قومــه سريعــة
رجـل نصـانـا مـا يحقـر ولا يهـان
يا صاحبي دام الهجـر فيـه ضيعـة
ما في القطيعة خير يا ذرب الأيمان
لانــي بــلا تبــع ولأنــت بتبيعــة
وترى الوصل راعيه ما هو بخسران
خليــت عنـدك يالسنــافـي وديعــة
أبيـك تحفظها على مــر الأزمــان
اللي حصـل مـن بيننــا لا تشيعــه
ما قلت لك خافي ولا قلت لي بان
ولا صارت النفس الشقية جويعة
أعـوذ بالرحمـن مـن كـل شيطـان
ولا صـابني جـور الزمان بفجيعة
أنصـا بنـي عمـي ولانـي بحيـران
ربعـي ليـا ضاقـت علي الوسيعــة
هم درعي الضافي ليا صرت بلشان

[ناصر البرغش]

الشاعر/علي العايد


صح الله لسانك ولاهنت


تحياتي وتقديري

[عيد بن شدقان]

علي الهاجري


جزل جزل
صح السانك




ولاهنت

[عبدالله بن فهد]

صح الله لسانك

يا علي الهاجري

والقصيده جميله جدا

تقبل مروري

طال عمرك

[مناحي الصميل]

علي صح الله لسانك

ولكن عندي ملاحظه :

وإخذ الحذر من اللي تعامله بإحسان


الشطر ذا مكسور !! تاأكد منه




وصح الله لسانك ولا هنت

[الجامحه!]

صــح ـح قــلبكـ

قصــيده جــزله ...!

لاهــنــت .!



الجامحــه .!

[مشاعر حالمه]

علي العايد

راائعه وصح السانك يالقرم ولاهنت

تحيتي لك / مشاعر حالمه

[قاصد الخير]

الشاعر علي صح الله لسانك

انت تقول

ربعـي ليـا ضاقـت علي الوسيعــة =هم درعي الضافي ليا صرت بلشان

وجدك ياجعل عظامه في الجنه الشيخ/ماضي بن علي آل عايد يقول :-

اذخر بني عمي ولاني بمليوم=وادمح ولو جاني من القريب زله

هم درعي الضافي اليا صرت مزحوم=وان صك راسي جا لهم مسند(ن) له

هواجر يفرح بنا كل مضيوم=كم واحد(ن) حمله ثقيل(ن) نشله

وما قول الى الذيب يجيب الذيابه يا ذيبان

وعز الله انها عوايدكم يا آل عايد الحميه والنخوه

[علي العايد الهاجري]

مرحبتين أخوي ناصر البرغش وصح بدنك ولا هنت على المرور
هلا بك هلا بك ياخوي عيد بن شدقان وصح بدنك وتسلم بعد على المرور
الله يحييك ياخوي عبدالله بن فهد ولا هنت وتسلم وصح بدنك

[علي العايد الهاجري]

الأخ / مناحي الصميل صح بدنك ولكن للتوضيح وليس للتعقيب الشطر ليس مكسور لأنه إن قرأ قراءة القارئ فهو مكسور وإن قرأ قراءة الشاعر فعكس ذلك .
كتابيا : وإخذ الحذر من اللي تعامله بإحسان
لفظيا : وإخـذ الحـذر ماللي تعاملـه باحسـان
وكل الحب والتقدير أخي مناحي ( ولا يجي في خاطرك ) .