يــــــام

[شبيب ابن شبنان]

السلام عليكم ومساكم الله بالخير

يشرفني ان اشارك معكم في هذا الصرح الرائع

وهذي اول مشاركه لي معكم واتمنى ان تنال على شي من اعجابكم

يقول...

بأسم المغيـث القـادر الوهـاب رب العالميـن = اللي بيدينـه فتحـت أبـواب السمـا وإقفالهـا
سبحانه اللـي غاثنـا وأغـاث كـل المسلميـن = إعبـاده اللـي تحتـري عطفـه علـى حلالهـا
المومنيـن الخاشعيـن الراكعيـن الساجـديـن = اللي لو يحوش المطر عنهـا ماهـوب اشوالهـا
يالله بنبـتِ لا ظهـر شوفـه يسـر الناظريـن = يذكر جنـوب المملكـه ويشـاف فـي شمالهـا
ونوصّف أرض المملكه مثل أرض زين العابدين = بالنبـت والا بالطهارهـا أرضـنـا بلحالـهـا
اليـن نسمـع بالحيـا مثـل علـوم الطيبـيـن = اللـي تنومسنـا بطيـب اخلاقـهـا وافعالـهـا
والله يعـز المملكـه وايعـز ذربيـن اليمـيـن = ستـر البـلاد وعزهـا واحماتهـا واظلالـهـا
يعيـش ابـو متعـب إمـامِ للملـوك العادليـن = اللـي حلفنـا بالوفـا والصـدق والـولاء لهـا
ويعيش سلطان الكرم والجود عـون المعسريـن = اللـي عـدود الجـود لشعوبـه يمـد حبالهـا
والله يطوّل عمـر مـن يحـي تـراث الاوليـن = اللي عطا البـل حقهـا وأثنـى علـى وبّالهـا
مشعل من كفوفه توصّف مثل وصف الرافديـن = اللـي يبـل كبـود خلـق الله ويشـرح بالهـا
ومن هاجسِ يطرب على شوفة وجيه الحاضرين = يامرحبـا ترحيبـةِ غـنـت لـهـا وغنّالـهـا
ويامرحبا ترحيبةِ تقلـط علـى سمـن وسميـن = ترحيبـةِ فعـل المراجـل مايجـوز الا لـهـا
هذا وأنا من لابـةِ هـل موقـف وفعـل مبيـن = لا شـوّشـة عقّالـهـا عقّالـهـا جهّـالـهـا
يايـام بيـن العيـد والعيـد الكبيـر معيـديـن = شوفـة بنـي عـمِ علـى الدنيـا قـويِ جالهـا
ياعصابة الراس وحزام الظهر والحصن الحصين = يـا اهـل علـومِ فخرنـا فيهـا وفـي مثالهـا
هل سربـةِ لا حوّلـة تق ضـي ديـون العايليـن = سحابـةِ يسبـق رعدهـا برقـهـا واخيالـهـا
اليا اجتمعنـا جمعنـا يرسـي وحنـا صامليـن = يفنى عرب .. بـس المطيّـه مايفـك إعقالهـا
يازين شوف جموعنا تدحم جمـوع المبغضيـن = فـي حـزةِ رجليّهـا يفعـل مـثـل خيّالـهـا
هذا وحنا هل كـرم وانلـوذ مـن دون الزيـن = لكـن حنّـا قـوم نبطـش لا شـرب فنجالهـا
قـومِ ليـا وردو يقـال الـقـوم ذولا ميتـيـن = تقلط على ساحة وغـى كـن الوغـى مدهالهـا
ياذخرنا هاللحين والا يـوم عـاد الوقـت شيـن = اقولهـا يـوم إن ابـن حثليـن قبلـي قالـهـا
والله يبيض وجه مـن يجمـع وجيـه الغانميـن = في حفـل تصنيـف الغوالـي دقهـا واجلالهـا
البل عطايا الله ونهواهـا علـى طـول السنيـن = خصِ ليـا صـارت سنـاد وظافيـات اسبالهـا
وجردا إرقبه متفهـقِ سنامهـا والخشـم زيـن = وسيعـة الشقّـه .. نـدوّه والطـرب زرفالهـا
لا روّحـو بـدو الجزيـره كلبيهـم حايلـيـن = تقـود ذود البـدو واتشـوّش علـى هوبالـهـا
يازيـن دوّاجِ بـهـا والمسلمـيـن مربعـيـن = تسوى صناديق الذهب في سويسـرا واموالهـا
موقف شرف لوجيه يام افوز بـه دنيـا وديـن = يستاهلـون اطلـوح الغـتـره واذب عقالـهـا
عند الكرام سلالـة الشيخـان والضلـع المتيـن =اللي يفوح الطيـب والنامـوس وسـط دلالهـا
اعوال ابـن حثليـن طلق يـن اليمـان النادريـن = شيبانهـا خطـت دروب المرجـلـه لعوالـهـا
يامرحبـا ترحيبـةِ الغاليـن عنـد الصادقـيـن = يامرحبـا ترحيبـةَِ مـثـل القـمـر يرقالـهـا
عن ربعي العجمان ارددهـا واعـم السامعيـن = ترحيبـةِ تذكـر جديـد علومـنـا واسمالـهـا
هذا وصلى الله علـى محمـد ختـام المرسليـن = اعداد ما لاحـت بـروقِ فـي نحـور خيالهـا

[محمد بن سعود]

جحـز . يابـو محمد


ولو عــوده

[جرير]

صح الله لساااانك

لين ترضى جزله جزله

[مناحي الصميل]

صح الله لسانك ياشبيب

قصيده جزله



لا هنت ووجهك ابيض

[نـاصـر]

وعليكم السلام ورحمة الله وبركاته

صح لسانك يابن شبنان

وقصيدةٍ جزله

وبأنتظار جديدك

سلام

[عـزام]

اررحب يا ابن شبنان تراحيب الحيا

ولله درك ابدعت واجزلت

صح الله لسانك لين ترضى

ودام ابداعك

بانتظار جديدك

[مسفر بن حمران]

ابدعت اخوي شبيب في صياغه الكلمات وصح لسانك مليووووووووون ولاهنت على القصيده الجزله وما هي بغريبه منك الجزاله لانها جات من راس جزل وانت تستحق الاشاده بجزالتك

لك مني جزيل الشكر

[فهيد بن عصيدان]

ابن شبنان

باختصار

انت شاعر مبدع

حبلي خشمك

[نبض المعاني]

بسم الله الرحمن الرحيم

عز الله انك يبن شبنان شاعر ونبغاك تشارك في شاعر المليون ان قدرت

تقبل تحياتي وتقديري


اخوك

نبــــض المعــــاني

[محمد المحلكم]

صح لسانك جزل