( يقول من حده زمانه علـى أقصـاه )

[سلطااان العتيبى]

السلام عليكم ورحمة الله وبركاته=

قصيده اعجبتني وحبيت انقلها لكم وعساها تحوز على رضاكم=



يقول من حده زمانه علـى أقصـاه=بين خفـا نفسـه وبـاح السريـره
هاجوس ٍ يجيبـه وهاجـوس وداه=ولازل هاجـوس ٍ تقفـاه غـيـره
يطول ليله جالـس ٍ فـوق مركـاه=ولاهـب نسنـاس الهبايـب يثيـره
كله من اللـي وش حياتـي بليـاه=اللي مصيري مرتبط مـع مصيـره
إن كان ربـي كاتـبٍ لـي ملاقـاه=عقب الظما يطيب صافـي غديـره
وإليـا تـردى الحـظ شكـواي لله=ينحاس تفكيري وتعمـى البصيـره
العمر من دون أتلع الجيد ما أبغـاه=والورد ويش الـورد لـولا عبيـره
فيه الوصايـف كاملـه واحـلالاه=حشمه وحسن اخلاق مع طيب سيره
راعي جديـل كنـه الليـل يغشـاه=يلعب مع النسناس ناعـم حريـره
والعين عين اللـي تعلـى بمرقـاه=حـر يهـوم النايفـات العسـيـره
يفز قلبي كل مـا أسمـع بطريـاه=فزة فرس تركـي نهـار المغيـره
ما غيـره بيمـه ولا هـو بويـاه=هذا قليلٍ يـا عـرب مـن كثيـره
أقولهـا للكـل مـابـه مــداراه=الثقل أميره والحسـن هـو أميـره



الشاعر / محمد بن ناهي=