قلت: الوداع .. وجاوبت دمعة العين -- تجرح بساتين الخدود النديه
وغضت وشفت بعينها الحزن حزنين -- وصاااحت على الفرقا انا موووو قويه
وجاوبتها: ارجوك تكفيييييين تكفين -- والله دمعك يشعل النااااااااار فيّه
وقالت: تعاهدني عهاد المحبين -- الله يخووون اللي يخون خويه
قلت: ابشري واللي خلق لاتظنين --حرااام ماغيرك عشقت آدميّه
وقصّت شعرها!!قلت:انتي وش تسوين؟؟-- قالت: أبي من غرتي لك هديه
ونادتني الغربه على الهم والبين--احسب الأيااااااام روحه وجيّه
وفي كل ليله ترتسم بين رمشين--خيالهااا بين الرموووش الشقيّه
غربة سنه في ذمتي غربة سنين-- متى على الله يلتقي الحي حيّه
خلااااااص هاااااانت مابقى غير يومين--خلااااااص قفّت غربه جرهديه
ورجعت شوقي في خفوقي برااااكين -- رجعت وانا كلي لها جااااذبيه
وسألت: ماردو! وأنا اصيح هي وين؟؟--وكلّن نثر من داخل العين ميّه
وفي معمعة حزني تلقيت رمحين --قالو: (توفّت)! غافلتها المنيّه !!
وفي غرغرتها ماذكرت غير حرفين--تشهدت %باسمك%شفاة البنيّه
وتزاحمت في داخلي ألـ1000ـف سكين--والحزن يطويني ثمانين طيّه
"صدمه"وجابتني على الارض نصفين--وشلوون راحت دون ذنب وخطيّه
تكفووون دلوني على القبر هالحين--مااااااا عااااااد فيني للصبر مقدريه
ووقفت أطالع قبرها بين نصبين-- وجلست اضم أغلاااا النصايب عليّه
وأصيح وش بلاك ياغلاي ماتردين؟؟ -- اشتقت همس شفاهك النرجسيه
وش فيك جيت من السفر ماتهلّين!! -- ماهي بلك عاده ولا إنتي رديّه
وحاولت في لحظه اجرح الدين -- و أزيح قبرهاااا في يديّه
وبالغصب شالوني حشى تقل مسكين! -- واصرخ بهم والله واللـــه حيّه
وقفت وتااااهت بي جميع العناوين-- والحزن يلعب داخلي سامريه
ورجعت لدروب الشقى قبل عامين-- مدري من اللي صار فينا ضحيّه؟؟
11-09-2007, 08:34 AM
العرض الشجري