|
من اللي عطاك الحـق يالفـارع الرعبـوب ..لـ خالد الحصيّن
شاعر من الطراز الأول أحسن صياغة الحرف وتوظيف العبارات أذا كتب القصيده وأطلعت عليها تقول في قرارت نفسك !:
وش بتجيب عقبها ياخالد الحصيّن 
من اللي عطاك الحـق يالفـارع الرعبـوب=تجرّا علـى نظـرة عيونـي .. وتسرقهـا
امانه معك لا احـدٍ يزيـد الذنـوب ذنـوب=كفانـي عـذاب اللـي حياتـي .. معلقهـا
تغافلتني .. ثم جيت من كـل فـج وصـوب=الاشـواق مرهيهـا .. والابـواب مغلقهـا
وبغيت امتنع .. لكن مالـي عـن المكتـوب=رضت نفسـي بمـا صـار .. والله يوفقهـا
لو الله عطاني عزم يوسـف وصبـر ايـوب=ما راغت عيوني فيك .. والشـوق يحرقهـا
ويا وجد حالي منـك يـا قلبـي المسلـوب=بعد غلّفتك اعذب الاحاسيـس .. واصدقهـا
تدلّيت من بين الضلـوع وبديـت .. تـذوب=لكن اجمـع ضلوعـي بدربـك .. وفرقهـا
تراني أعاني صدق .. من حالـي المقلـوب=احاتـي حياتـي كـل مـا جيـت اروّقهـا
ولا ادري اعيش الجو .. والا انسحب باسلوب=اخاف ادحم العشـاق .. وازعِـل مراهقهـا
وانا عايشٍ بالفطـره .. وشاعـرٍ موهـوب=واحـب اللكاعـه .. وافتعلهـا .. واطبّقهـا
ولكـنّ فينـي حاجـةٍ تعتبـر .. عـذروب=من اللـي مـن الجمهـور .. ودّه يوثقهـا؟
عيون الحبيب .. وخدّه .. وقـدّه المصبـوب=يجابه هـوى نفسـي .. وينهـي تعملقهـا!
خالد الحصيّن
__________________
قطفت منك ماتهيا ومالاق ورميت باقي ذكرياتك خلافي..!
التعديل الأخير تم بواسطة نـاصـر ; 10-10-2007 الساعة 06:25 AM
|
10-10-2007, 03:47 AM
العرض العادي
