ČẳŁěňąя ĻŭςҜ - الصفحة 17

here Lucky boy · #**161** 29-07-2011, 05:01 AM

طراه الماضي <<<< كلش مايبي يسوولف

شخباري كلمه فيديووكم كبير ولا صغير

طبعا هالسؤال عشان تبداله بالشرطان

كانت شرطان الفيديو نوعين كبير وصغير وشرطان المسجل بعد كبير وصغير

الكبير للسيارات والصغار للمسجل

واذا عندك شريط فلم هندي تقعد سنه كل يووم تسهر عليه ماعندك مشكله

وشرط بعد كل يوم تندمج معاه

وقمه الفرح لاسير عليك احد من الجماعه ماشاف الشريط

تشغله له عشر مرات اذا بيمسي عندكم وكل مره تحرق عليه المشاهد

طبعا هالكلام في اخر الثمانينات بس في اوائل التسعينات الوضع مختلف جدا جدا

يكون اخيك الكبير كل يوم يجيب افلام اجنبيه من خوياه

وماعاد تلحق في المشاهده

ولاجيت تأخذ فاصل عشان ترتاح تحطه على القناه الرابعه وتتابع فلم مصري تدرون ليه .!؟

تريح عيوونك من قرايه الترجمه

طبعا يكوون تلفون البيت جنبك وانت بزر وتصير كانك تشتغل في 101

ماهوب هنا + راقد + مسافر + مداوم

طبعا هالكلمات ماتقولها بكيفك تكون ماخذ التعليمات من اخوانك الكبار

واذا شفت انك خلصت الافلام كلهاا وطفشت نوعا ما

تستخدم طريقه 4\3\3

تقرب التلفون في حضنك وتاخذ ورقه كلينكس تحطها على السماعه وتشيَر ارقام

here Lucky boy · #**162** 29-07-2011, 05:14 AM

اي صدق عشان تعذرروني على الهذره

تراني جاي من السفر ومن ديره اهلها مايحكوون عربي

يعني جاي وفيني شفاح حكي وذالحزه ماهي حزه مسايير تحملوني

وطبعا من الامور الي تغثك في الطفوله لاصرت سهران وتبي ترووح ترقد

ويجيك امر ملكي من فووق يأمرك تحرس التلفوون وتكون الحزه الضحويه

تضطر ترقد في الدوانيه او المقلط وتحط التلفون جنبك عشان مايرضخونك طبعا

وكل ماجيت تغفي ... يدق التلفون الا خالتك تدوَر إمك

طبعا مالك خلق تودي التلفون داخل وتنطر امك تخلص منه وترده

تضطر تكذب وتقول امي عند ام فلان

ولان خالاتي ماهووب اوادم للاسف

كل شوي تدق عليك ها ماجات امك تحسسك من كثر الاتصالات ان فيه احد ميت

واخر شي تطلع سالفتها رايحه لعرس وتبي تعلم امي بعلوم اهل العرس

طبعا وقتها ماكان فيه بوفيهات عشان تقول بوفيهم بارد

كان عشا النسوان تريه الرجاجيل يشلوونها في بدي العربانات

طبعا يكون نصيب الاسد في الحديث شفتي بنات ال فلان ما ازينهم

يالله من بنات ال فلان يخلعون

ياماشاءلله على فلانه غاديه بنت ماعرفتها

( اذا قالو عن وحده صايره بنت اعرف انها من سنناهم )

وجعلها ماتشووف وحده من قصراها قبل في الشعبيه تقعد تبكي وهي تسرد قصه القاء

عينت فلانه واعرس ولدها فلان وبنتها فلانه قد عليها ولدين وبنتين تحس انهم الموساد

ولله في خلقه شؤون

here Lucky boy · #**163** 29-07-2011, 05:33 AM

البزران التالين عقلو ولا حنى مصدع

سؤال صدق صدق ترى اكرره على نفسي دائما

قبل معدل الرضخ للواحد كل ثلاث ايام لازم يرضخ

السبب مسوي بيت من مساند الدوانيه وداخل عليه اخيه وفارك وجهه في الفرشه

ولا لاعبين طق في الدوانيه وشاقين احد المساند

وكابين الزمازم وماء الفناجيل وحنى نتطارح

اقل شي اقل شي اذا انت مؤدب تكون حارق المخزن

يعني المصايب اللي كنا نفتعلها واجد

اضف الا ذلك قبل البزر شماعه في البيت للرضخ

اي شي يضيع يتحمل مسؤوليته اي شي يخرب هو السبب حتى لو انه كان مسافر مع خواله يرجع ويرضخونه

لدرجه البزر اللي مايرضخونه اهله تحس انه معقد ومسكين ويعاني في حياته

اللحين البزر يدخل الدوانيه يركب وايرات البليستيشن يلعب لاخلص رد كل شي مكانه

واذا فيه شي معفووس رتبه تحس ان الجيل التالي متربي صح

السبب تدرون وشهوو حنى ربونا شيبان يفقدون اساسيات التربيه

لكن الجيل التالي ربوه ناس واعيه وتعرف تتعامل مع الاطفال

حنى يوم كنا يزران كان المطلوب منا ادوار ناس ناضجه

يعني معقوله تقول للبزر لاتلعب في الشارع اكيد بيلعب في الدوانيه أجل

here Lucky boy · #**164** 29-07-2011, 05:42 AM

نرجع لمواضيع اخر الليل حقت المغثه خابرينهاا

ماداني اللي يدخل علي مسن وهو دون اتصال مطلوب للعداله مثلا

ياخي ليش خايف تشبك ولاتدري لاتدخل علي وانت دون اتصال

المفروض اقول كيفه يدخل مثل مايبي بس انا ماداني

اللي مثل فصيله دم مدري وشهوو اللي ياخذ من الناس ولا يعطي الا اللي مثل فصليته

لابغيتنا تكلمنا وانت لابغيناك دون اتصال ماندري عنك

here Lucky boy · #**165** 29-07-2011, 05:58 AM

طبعا الابيات مالها شغل باللي راح اكتبه بس حسيت فشله العالم كلها تكتب قصيد

وانا أدخل الاركان بيدي فاضيه ولاخلصت امسح إيدي بالفرشه

هم مو حلوه (هم اقروها بالحضري )

وناسه وانت بزر تنتقل من منطقه بدو الى منطقه كلها حضر تحس انك مهاجر

بس ماتحس بالغربه من الوناسه

عادات غريبه ملابس غريبه انت البزر الوحيد اللي يمشي لابس طاقيه وغتره

تشوف بزران الحضر يخزوونك مايخزونك عشان الغتره والطاقيه عشان الوصخ اللي في ثوبك

كل واحد خدامته واخوانه الصغار معه وانت تدربي راسك الحالك

تشووف بناتهم الصغار يلعبون في الشارع على القواري

وانت حارس بابكم لاجات تطلع وحده من خواتك الصغار تبي تشتري بريد

تقول ادخلي للعن والديش

كل ماعينت بزر تنشده وش اصله يقولك انا كويتي تروح تعلم امك يما قصرانا كلهم كويتين

مافيهم عجمان وهواجر

عقب شهر ينادون ابيك وامك ابو لوكي ام لوكي

وانت مو اكبر اخوانك بش عشانهم عرفوني اول واحد

يلعبوونك مع اهلهم وانت لاشفت احد مار من عتبه بابكم تلعن والديه

تشوف عندهم اللعاب غريبه مابعد شفتها عند الجماعه ولا في سوق الفحيحيل

تقعد تسوولف بها عند عوال الجماعه مايصدقوونك يقولون العن ام الصواريخ

طبعا مايصدقوونك لين يمسي عندنا احد من عوال الجماعه واوديه لقصرانا يشووف في أم عينه

غصتني العبره على الماضي الجميل البرئ

here Lucky boy · #**166** 29-07-2011, 06:17 AM

ليه الواحد لاسالك الفجر في المسن توك قايم و لاسهران

ان قلت توني قايم قال ذيب

يعني السهران ثعل مثلا

موضووعي ماهووب عن الحيوانات والعالم الفاضيه اللي تسأل

الواحد شلون يقدر يرقد .!؟

احد فيكم جرب خروف خروفان ثلاثه اربعه

انا جربتها كم مره بس ازهق ماوصل 15 الا اقعد اهوجس في موضوع ثاني

here Lucky boy · #**167** 29-07-2011, 06:18 PM

ياخساره العشره

هذا وقته يامكيف تخرب

here Lucky boy · #**168** 30-07-2011, 02:48 AM

نعم أحبك

طيب محد سألك ..!؟

ليه الكلام الزين عندنا ( أغلبه ) محصوور بالسؤال

لازم يسالك مشتاق لي ..!؟ وترد عليه حيل حيل

ليه مافيه مبادره على طول تقول مشتاق لك فقدتك واحشني ..!؟

كنت اتمنى ان السبب يكون الأنا الي في الانسان

لكن للاسف السبب ان الانسان يحاول نحر مشاعره يوميا بالكتمان

دائم تسمعون في المنتديات اطلق العنان لقلمك

وفي المحلات اطلق العنان لأناقتك وفي الصالونات لجمالك

وانا هنا اقول لك

اطلق العنان لمشاعرك

here Lucky boy · #**169** 30-07-2011, 02:55 AM

اتذكر بداياتي في عالم المنتديات

تشعر من خلف الشاشه وكأن العالم يراك

فتسير بخطوات تسبقها النظرات خوفاَ من الوقوع

فيغلب الخووف جميع خطواتك مما ينعكس عليك بفقدان الثقه في نفسك

الجميع منا لديه جانب مشرق

بالكتابه بالرسم بالشعر بالتصوير الخ الخ

ابحث عن نفسك

here Lucky boy · #**170** 30-07-2011, 03:25 AM

الغيره

دواء الحب

والشك

داء الحب