كأنك عقب فرقاي عشت المآسي
أنا النفس من عقب فرقاك.. واقف
من راسي إلساسي اعاني واقاسي
والهم من خوفه عليّ حيل خايف
اما اكون الاول والاساسي
والا بلاها عيشتي .. وانت عارف
عمر الجبال الشامخات الرواسي
ما تنحني هاماتها للعواصف
بالحق لو اخسر حياتي وناسي
كرامتي ما أبيعها للعواطف
عيب البس اللي ما يناسب قياسي
عايش على قدي مثل ما انت شايف
لكن اذا اخطيت او كنت قاسي
بقولك أسف ومليون آسف
واذوّب الجنه بكاسك وكاسي
واقول اشربها معي بالتناصف
ابحر وادور في عيونك مراسي
مدام انا لك بالنهاية مجازف
أشوف عزي فيك يا تاج راسي
لنّى.. معاك إن طحت أنا أطيح.. واقف
23-09-2010, 08:04 PM
العرض الشجري