الي كل عجمي ويامي شريف

[Nawaf_Q8]

السلام عليكم
الصلاة والسلام علي سيدنا محمد اشرف المرسلين
اما بعد
قال تعالى (( ولا تلمزوا أنفسكم ولا تنابزوا بالألقاب)) الحجرات
ولا تلمزوا أنفسكم : أي لا تعيبوا فتعابوا أي لا يعب بعضكم بعضا
ولا تنابزوا بالألقاب: لا يدعوا بعضكم بعضا بلقب يكرهه ومنه يا فاسق يا كافر..

عن أبي حمزة أنس بن مالك رضي الله عنه خادم رسول الله صلى الله عليه وسلم عن النبي الله صلى الله عليه وسلم (قال لا يؤمن أحدكم حتى يحب لأخيه ما يحب لنفسه )

يا اخوان حالنا مايعجب العدو
بسنا حسد وحقد علي الاشخاص
ومهاجمتهم بشخصيه
الوضع صار مايتحمله اي شريف يخاف علي مصلحة القبيلة
انا راح اتكلم بالموضوع علي طوول
بخصوص الاعضاء العجمان
1- الطاحوس
2- الصيفي
3- العدوه
4- الحويله
انا اقول وبالنعم فيهم كلهم
بس
اشوف المنتدى صاير ينتقد الاشخاص
هم الحويلة والعدوه
بالغض النظر عن افعالهم السياسية
المفروض يكون النقد حضاري
ومن غير تجريح في شخصيتهم
والله يا جماعه انا مادخلت الا من حرتي وحزني علي الوضع
وهذا ثالث مشاركه لي بالمنتدى
ولا احب ادخل المنتديات
بس لما اشوف الوضع في منتدى العجمان
احزن علي الوضع واحزن علي حالنا
وصل فينا الحقد والحسد لدرجه كبيره
يمكن تقولون انت تبالغ ؟
لا يا اخوان ما ابالغ
انا مالي مصلحه في العدوه والحويلة او الطاحوس ولا الصيفي
الله لا يحدني علي احد
وانا معاكم في بعض مواقف العدوه والحويلة
بس ماتوصل التجريح في شخصيتهم ولا بعوايلهم
اللي يقول الي مزبلة التاريخ !!!!؟
واللي يقول عنهم انبطاحين
واللي يقول كلام ماينقال الي اي شخص
عيب والله العظيم عيب
والله ثم والله
لو اللي يقول هالكلام علي ولد عمك او اخوك
ماترضى ويمكن تسوى الهوايل عشان الكلام
ويمكن وانتو عارفين انه بعض المشاركات
ونقد يكون من اشخاص لا لهم بالسياسه
ولا هم يحزنون ويمكن اهم اصلا مايصوتون
لانهم ماكملوو سن التصويت!!!
الكل عارف انه يدخل بعض الناس
في نكات غير اسمه او اسمه عائلته
ويجرح بالاعضاء
يا اخوي تبي تنتقد وتقول رايك
عرفنا بالاول علي اسمك
وانتقد علي كيفك
بس اهم شي يكون
من غير تجريح
انا عتابي علي المشرف العام
وصاحب المنتدى
اللي يشوف التواقيع تجرح الاعضاء؟
ولكن عندي
سؤال لك يا مشرف العام
هل لو انه العضو اخوك او ولد عمك بتسكت؟
ولا راح تمسح التوقيع والمشاركه او يمكن تطرده من المنتدى
وهذا سؤال الي كل يامي شريف
واتمنى الكل يجاوبني علي السؤال؟؟؟؟
هل لو العضو اخوك او ولد عمك ترضى عليه هالكلام؟
وبالنهاية
اطلب من الله الهدايا لكم ولي
والله ولي التوفيق