دخيلك وفر دموعك ترى هـدر الدمــــوع اذلال,,,,وترى ما فيه احد يصبر مثل صبـري بغربالك

[خالد بن نفل]

الـــســـلام عــلــيــكــم ورحــمــة الله وبــركــاتــه

عفا الله عن خطا غدر الخناجر والضلوع ابطــــال *** بسامح واتركـك تحـت الظـلام الحالـك لحــــــــالـك
دخيلك وفر دموعك ترى هـدر الدمــــــــــوع اذلال *** وترى ما فيه احد يصبر مثل صبـري بغربــــــــالـك
انا عيب علي أنقض كلامي والرجـال افعـــــــــــال *** واذا قلت اقطـع احبالـك ترانـي بقطـع حبـــــــــالـك
عشان اكسب هدب عينك تجرعت العذاب اشكــال *** وليتـك تـرأف بحالـي علشـان ارأف بحــــــــــــالـك
مسوي في حياتي شـي مـا يذكـر ولا ينقـــــــــــــال *** حشا حتى العدو وهو العـدو مـا يعمـل اعمــــــالـك
تمسيني على الهم وتصبحنـي علـى الغربــــــــــال *** تقلطنـي فناجيلـك وتقـصـر عـنـي دلالــــــــــــــــــــك
تحملت التعب لجلك وانـا حملـي يهـد جبـــــــــــــال *** رحلت من العذاب ومـا وقفـت الا علـى جـــــــــالـك
علامك كل ما جيك متواضع جيتنـي تختـــــــــــــال *** معاك اليا متي بصبر وصبـري معـك يحــــــــــلالـك
مثل ما اقبلت لعيونك لـزوم تلـد لـي باقبـــــــــــــال *** ومثل ما قد حشمتك حس واحشم قلبي اشـوى لـك
أنا محدن بجابرنـي أسايـر معـك هالمنــــــــــــوال *** ترى لانـي تبيـع لـك ولا نـي باصغرعيـــــــــــــــالـك
أنا جيت اعشقك نبض ومشاعر ما اعشقك تمثال *** أنا جيت اسكنك واحياك وابقى فيـك وابقــــــــى لـك
أنا جيت بظما عاشق تعب يطرد سراب الــــــــلال *** أنا جيت استفز رضاك مـن فرقـاك والجـــــــــــا لـك
أنا ما همت بك عاقل أنا كنت اعشقـك بخبـــــــال *** أنا ما كنت احبك حي أنـا كنـت اعشقـك هــــــــــالـك
تخيل من كثر ما اخاف تلقى للزعـل مدخـــــــــال *** أخاف اخطي على طيفك وادوس برجلـي ظـــــــلالـك
تبعتك والعرب تتبـع رعـود البـارق لهمـــــــــــال *** وانا شفت المطـر يتبعـك فـي حلـك وترحــــــــــــالـك
كأن اللي خلق حسنك خلقني مع جسدك ظـــــلال *** وصرت اقرب جسد يمشي معك باقفـاك واقبـــــــالـك
أبي قلبـك يحـس انـه فقـد بمحبتـه رجــــــــــــــال *** ملكته من هدب عين وخسـرت رضـاه باهمــــــــالـك
صحيح ان الفراق اقسى ولكن الوصـال محـــال *** أنا صعبن علي أرضي غرورك واضعـف قبــــــــالـك
بعد ما حققـت عينـي فبعـدك للرقـاد امــــــــــــال *** أعود للسهر -- يا خـوي فـال الله ولا فــــــــــــــالـك
ببدل نظرتك فيني واجي لك كـل يـوم بحــــــــــال *** بكون اقرب مـن ثيابـك عليـك ولا تهيـــــــــــــــــا لـك
بالمك وانثرك واجمعك وارجع وانثرك باهمـال *** بخونك وازعلك وارضيك وازعل منك وارضـــــى لك
أبرسم بالثرى وجهك وابدفن صورتك برمــــال *** أبشكي للعـرب فرقـاك واضحـك عنـد عـــــــــــــذالـك
أبهديك الوصال فراق واهديك الفراق وصـــال *** بسوي مثل مـا شوفـك تسـوي وافعـل افعـــــــــــــالـك
عشان تعرف من فينا الزعول ومن وسيع البال *** أبيـك تـذوق فنجالـي وانـا بـذوق فنجـــــــــــــــــــالـك
نصيحة واحتفظ فيها قصر معك الزمن أو طال *** أبي تسمع كلامـي زيـن وتحطـه علـى بــــــــــــــــالـك
اذا حبك هبال اطفال لك عندي هبـال اطفـــــــال *** ولا -- وابشر بعد بهبال حب مـا هـو بهبـــــــــــــــالـك
واذا قصدك تهين اسمي عشان تشمـت العـذال *** ترى لا انته ولا غيرك -- ولا عشرة من اشكــــــالك