جديد ابن الذيب بعد حجزه في ٱمن الدولة في قطر
لأسباب خاصة :
من الايام مدري ويش حشنا
على طاري ياقلبي ويش حشنا
احاسيسي من اللهفه تغني
وحشنا الشعب والقايد وحشنا
سلام الله ع رمز القياده
امير عمر الدار ونعشنا
تعرشنا الدول من كل ديره
لاكن من يوم جا محدن عرشنا
بسط افضال جنجانه علينا
مخاليبك عطيبه ياوحشنا
لكن ياسيدي والعلم الاخر
انا عجمي من العجمان واشنا
كلام ينتقض قدري فـ عينك
خرش خبلان الارض وماخرشنا
خبش الاجناب ماجبنا خبرهم
ولاجبنا خبركم ياحوشنا
لو ان بالحبشه عجمي جلاوي
كسر سوق النجاشي ياحبشنا
وان امثل قبيلة من قبيلة
يطفشنا الزمان وماطفشنا
قبل عبدالعزيز وحكم جدك
يوم انا بدو نقطن في عششنا
مع الحاكم لاقدمنا يدينا
لو تكوش العرب قهرن ماكشنا
ولا دقت طبول الحر جينا
قبل ماتغبش الورقا غبشنا
ياكم ليله تعزوينا عرايا
لك الله سترنا خصله كششنا
بدا راكان بن حثلين فينا
وناش من الفخر بيده ونشنا
والي من عنها والدم فايظ
ماكثرنا العلوم ولا ارتبشنا
ولاقلنا ياراكان اذكر الله
وردنا الجم واروينا عطشنا
ولانرضى من الحاكم مذله
انبادله العدل وان طاش طشنا
لو ان بندقه ما بين المحاجر
تثور من المعزه مارمشنا
وبنادقنا ماتقدح في خفاها
موترنا تصلح في ورشنا
لاكن الوقت ملعون الصلايب
بلشه الله ويدور بلشنا
يعيـرنا و حنا مانعيـر
رجال ماحسبنا لابطشنا
( ع سطح القمر نركز بيارق
وعلى الحكام غصب وبطش عشنا )
19-11-2011, 10:43 AM
العرض العادي
