تكفييييين عن برد الشمال إحضنييني !!

[عيون الطنايا]

تكفين عن برد الشمال احضنيني
خليني اغفى بالحضن مثل الاطفال

تكفين من دافي حنانـك عطينـي
البرد عذبني وليل الشتـا طـال

مدي لي احبال الرجا ساعدينـي
زودٍ على ما بي علي الدهر مـال

يابنت من وهم الخيـال انقذينـي
ابغى احدد موقفي والصبر طـال

لمن طريتي غصب تبكيك عينـي
ما اقوى ارد الدمع يابنت لسـال

إلى متى عن وصلكـم تمنعينـي
الهجر عقب الوصل يابنت قتـال

لا تبعدينـي دام قلبـك يبيـنـي
قطعت لجل اعيونك الاف الاميـال

اما عطيني الحـق وإلا اتركينـي
اعيش من بعدك على هافي الجال