لا تنكسر لو شفت نفسك تكسرت ,,,

[سحر الغروب]

السلام عليكم ورحمة الله وبركاته

دنياك لا ضاقت عليك وتكدرت
وفوق المحن ربعك غدو لك عقوبة

وأخذت لك ساعة لحالك وفكرت
وحسيت عينك في الدموع مغصوبة

لا تنكسر لو شفت نفسك تكسرت
مادام في هالكون ربك وتوبة

الله اللي اليا من دعيت وتذكرت
ياخذك من هم وظلام ودروبه

عندك أنا ياما مشيت وتعثرت
وغلطات من غيري علي محسوبة

وأنا إستحيت من الذنوب وتغيرت
ولا كل واحد يستحي من ذنوبه

يالله تغفر لي إذا يوم قصرت
جملة وقلهابضيقتك كل نوبة

الناس تتأثر مثل ما تأثرت
أحيان ما يتحمل الشخص ثوبه

لكن وصاتي لا قسى الخلق وإنهرت
تذكر إن بالكون رب وتوبة

منقول