آه يامن رمانـي واستبـاح السرايـر = راح وجروح قلبـي كلّبوهـا عطيبـه
مكّن الرمح واسبر واستصاب الضماير = دون سبّه برمح الغدر فينـي يصيبـه
قلت وقف طلبتـك لاتزيـد الخسايـر = وش جرالك وش اللي غيّرك يالحبيبـه
لاتعـلّ الخفـوق ولاتخليـه حـايـر = بين حدب الضلوع ارحم وخفف لهيبـه
ليه تلزم سكوتك ليه ترضى العزايـر = شوف قلبي تزايد من سكوتـك نحيبـه
ليه كنّك على الفرقى تسـوق البشايـر = خاف ربّك بهجـر ٍ عاقباتـه رهيبـه
الوكاد انه اقفـى واضلمـنّ النوايـر = راح من غير علـم ٍ لاذكرتـه يثيبـه
جار خلّي وخان وجور الايـام جايـر = يالله انـي دخيلـك ياعليـم المغيبـه
سلّ حالي وفكري من غيابـه نثايـر = شتت الفكر من هـم ٍ يجـي ويغديبـه
اسهر العين عقبه بالحـزن والعبايـر = والحمام ومغيب الشمس زاد المصيبـه
شين فرقى الحبايب بأنكتـام السرايـر = ضيعة اعمار وان راح العمر من يجيبه
الحزن والتكّـدر والغبـن والحسايـر = كلّبوها تجمّـع قـرد منهـي نصيبـه
يسري الليل تايه بين شـارع وعايـر = تايـه ٍ بالليالـي والمدامـع سكيـبـه
كنت بالعون داله من عظيـم الكبايـر = والهلاك وعذاب الحب ياويـش ابيبـه
بس ابصّبر لعـلّ أدّور فيـه الدوايـر = كود اشوفه يشقق من نوا الحب جيبـه
وياكسيـر المحبـه ماتفيـد الجبايـر = لو بالالمان طبّـك مايفيـدك طبيبـه
اترك الحب واترك قولة ان به ذخايـر = الهوا ماذخربه كـود لوعـه وعيبـه
اااااااااااااااااااااااااااااااااااااااه يالجويــــــــــــــــــــــــــــــــــــــــــــ ــــــــر
ذبحتني ذبحتني وربي ماانت طبيعي
نعنبااااااااك صرت مجنونه انت شنو من وين تجيب فكرك هذا !
صحححححححححح لسااااااااااااااااااااااانك
09-08-2005, 08:03 PM
العرض العادي
