قال الــذي مايجهل النقص والزود = يقولها شاعر وياخذ حذرها
والقاف مايرقا سوا ارجوم واسنود = يرقا الـجبال النايفات وعرها
بنات فكري سقتها كنها الذود = في خايع ٍ عشبه يخالط زهرها
اشري جزيل الهرج واحلل اعقود = واغوص واجلب درها من بحرها
يالله ياعالي وياخير معبود = ياعالم ٍ غيب البشر مع جهرها
يالله انا طالبك ممشي بمنقود = وخوه مع الرديان تقطع اثرها
مامن ورا ابن الاش ربح ٍ ولافود = لو تطلبه شيء ٍ لنفسه ذخرها
يالله ثبتني على الطيب والجود = وضوي على النفعه توقد سمرها
ممشى مع الطيب زراعه ومحصود = والطيب غرسه حيث تنتج ثمرها
والطيب كنه عد وصدوره اورود = مثل الكريم اليا عطى ماقصرها
ياعود طيب ٍ فاح ياريحه العود = من تاجر بطيبك ربح ماخسرها
بالطيب ياخالد لك افعال واشهود = تشهد عليك الناس واقع خبرها
من لابت ٍ لا ثار ملح ٍ وبارود = تارد حياض الموت ساعه خطرها
ياميه ٍ لامن لفا العلم مردود = افعالهم بالكون كل ٍ ذكرهـــا
واليوم شفت الناس حاسد ومحسود = احد ٍ دفن شره والاخر حفرها
وحد ٍ على الزلات مخبر ومقرود = لاشاف خملت صاحبه ماسترها
اقولها وانا عليل ٍ ومضهود = من ماجرى قدام عيني نفرها
وصلاه ربي عد ماهبت النود = على النبي الهاشمي مختصرها
وسلامــــتكم
09-09-2005, 09:12 AM
العرض الشجري