قصيده اعجبتني وارجوا ان تنال اعجابكم
يضيق صدري كل ماهبت علي من الجنوب=نسايمٍ ماملت طعوني وقلبي ملها
وارقى على مرقاب حزني واتحرى للغروب=وامسك جدايل هالحياة المدبره وافلها
واشوف شلون الليال ادور في الوقت اللعوب=واجمع مسائل هالبشر في دفتري واحلها
والعن ابو الحظ الردي واستغفر المولى وتوب=واقول يالله انك تعين الي صبر ثم شلها
وياسعود قرب لي مدام الوقت والعمر محسوب=واسمع ياخوك ابيات من جوفي نويت أتلها
لاصارت الدعوه مابين ضلوع صدري والهبوب=بقولها والي عقد روس الحبال يحلها
وش عاد نرجي من زمان صارت به اكبر الذنوب=انك على الباطل سيوف الحق نويت تسلها
اسلامك اصبح متهم والنور غيَب ومحجوب=ادروبهم ياكثرها ودروبنا ياقلها
خوينا تصلاه نار الكفر ونشوفه يذوب=وحنا نترجى من عجوز الغرب ترهي ظلها
لاعاد به فزعه ولاغيره وحيلتنا يادوب=نشجب ونستنكر عساها تنسمع او علها
صار التنافس بالطرب من أولويات الشعوب=الغانيه صف لها والراقصه طبل لها
والموضه تحاصر تقاليد العرب من كل صوب=وتفوح دلتنا زعل واعوانهم اتزلها
والكل منا يشوف نفسه لتخاذل مغصوب=حلوقنا ميته عطش يالله طلبتك بلها
يالله سترك من علومٍ في خواطرنا تجوب=رحماك سهلها علينا دقها مع جلها
وياسعود اخذها من نمط حكيٍ على لسان القلوب=اربع نصايح في حياتك ياعسى توصلها
المرجله هي البلد وفعال يمناك الدروب=الادمي يولد غريب ولا تسنع دلها
والكايده تبغى ولد ماهوب طماع وكذوب=الرابح الي نفسه لربها قدر يذلها
وترى الكرم عند العرب يغطي ألاف العيوب=وإنك بخيل تساوي عيوب العرب ذي كلها
واحذر تحسب ان كل بير في دنيتك به ماء شروب=واذا تجاهلت العواذل بتموت بغلها
وانا بودع راس مرقابي اذا حل الغروب=وبقول يالله انك تعين الي صبر ثم شلها
اعذروني على الاخطاء ان وجدت
العرض الشجري